Erretirorako adina 68-72 urte bitarteraino atzeratzea eskatu du Espainiako Enpresarien Zirkuluak
Erretirorako adina 68-72 urte bitarteraino atzeratzea, langileen kaleratzea merkatzea, enpresek gizarte segurantzari ordaindu beharrekoa murriztea eta aberastasunaren gaineko zerga ezabatzea. Eskari horiek egin ditu Espainiako Enpresarien Zirkuluak, "Etorkizuneko agintariei eta legegileei gutun irekia" goiburupean zabaldu duen dokumentuan.
Manuel Perez-Sala aipatutako elkarteko presidentea agertu da hedabideen aurrean, eskarien berri emateko. Horren hitzetan, Espainiako egungo pentsioen sistema publikoa ez da jasangarria, eta "arazoa atzeratu" baino ez du egiten. "Herritarren bizi-itxaropena luzatzeak sortzen duen gastuari aurre egitea ezinezkoa da egungo sistemarekin", esan du. Hori dela eta, erretiroa hartzeko adina 68-72 urte bitarteraino atzeratzea eskatu du.
Gutunean, halaber, "elkarrizketarako eta elkar ulertzeko gaitasuna (...) eta erakundeen kalitatea eta independentzia berreskuratzea" eskatu ditu Perez-Salak, eta enpresaburuentzat "errespetua eta babesa", "gizarte osoarentzat aberastasuna eta enplegua sortzeko konpromiso handia" dutelako.
Espainiako koalizio-gobernuaren lan erreforma gogor kritikatu du Enpresarien Zirkuluak, "enpleguaren sorrera moteldu", "langabezia datuak ezkutatu" eta "malgutasuna kaltetu" dituela esanez. "Gizarte-eragileekin adostutako" erreforma berri bat premiazko jo du.
Bere aldetik, Espainiako Enpresaburuen Elkarteen Konfederazioak (CEOE) argi adierazi du ez datorrela bat Enpresarien Zirkuluaren eskariarekin.
Zure interesekoa izan daiteke
Bengoetxeak errespetu instituzionala eskatu du EHUrentzat eta premiazko bilera eskatu dio lehendakariari
Hala erantzun dio Euskal Herriko Unibertsitateko errektoreak Perez Iglesias sailburuari, ukatu egin baitu honek Eusko Legebiltzarrean unibertsitate publikoak behar baino diru gutxiago jasotzen duenik. Iglesiasen hitzetan, 2026rako esleitutako aurrekontua "zifra errekorra" da.
Horrelakoa izango da Bekadunaren Estatutu berria: gastuen konpentsazioa, praktiken muga eta enpresei kontrol gehiago
Espainiako Gobernuak Bekadunaren Estatutuaren aurreproiektua onartu du, prestakuntza praktikoan dauden pertsonen eskubideak bermatzeko.
Petronorreko langileek greban jarraitzen dute eta aldagelen kontua ukatu dute
Hori jakinarazi dute batzordearen ordezkariek Kutxabankek Bilbon dituen bulego orokorren aurrean deitutako langileen kontzentrazioan. Beharginek akordioa atzera bota dute eta auzitegietan argituko da afera.
Eusko Jaurlaritzak EHUrekin duen "konpromiso irmoa" azpimarratu du Perez Iglesiasek
Zientzia, Unibertsitate eta Berrikuntza sailburuak nabarmendu duenez, Eusko Jaurlaritzak EHUri 2026an egingo dion ekarpen arrunta 339 milioi eurokoa da, aurtengo urtean baino % 6,9 gehiago bideratuta. Eta azaldu du unibertsitate publikoari esleitutako diru kantitatea inoizko handiena dela.
Urrian, langabezia-tasa % 0,60 igo da EAEn, eta % 2,04, Nafarroan, iraileko datuekin alderatuta
2024ko urriko datuen aldean, ordea, 888 langabe gutxiago (% 0,82) daude EAEn, eta 1.129 gutxiago (% 3,75) Nafarroan. Bestalde, irailetik urrira, afiliazio-kopurua % 1,32 hazi da EAEn, eta % 0,89, Nafarroan.
Petronorreko langileek greba mugagabean jarraitzen dute eta enpresa batzordeak ukatu egin du aldageletako greba dela
Langileen % 80k zuzendaritzaren eta gehiengo sindikalaren artean lortutako itunaren aurka bozkatu dute, eta, beraz, "aldageletako gerra" deritzona auzitegietan argituko da. Petronorrek geldirik jarraitzen du duela hilabete eta erditik.
Sindikatuek manifestazioa egingo dute Bilbon hilaren 12an “gutxieneko soldataren alde”
Udan Legebiltzarrean aurkeztu zuten legegintzarako herri-ekimenaren aurka agertu zen Eusko Jaurlaritza. Sindikatuen ustez, eztabaida “gutxieneko demokratikoa” da eta, beraz, protesta egingo dute Jaurlaritzaren, EAJren eta PSE-EEren egoitzen aurrean.
Ekonomia, Lan eta Enplegu Sailak % 3,3ko igoera aurkeztu du 2026ko aurrekontuetan
Aurrekontu horien ardatza, batez ere, enplegu-politika aktiboak indartzea izango da; zehazki, prestakuntza, kontratazioa eta kolektibo kalteberen laguntza sustatzea.
Aurreikuspenen arabera, Euskadiko hidrogeno-korridorea egiteko 50 udalerritan zehar 163 kilometro hodi ezarriko dira
Euskadiko sarea bi zatitan banatuko da. Enagasek diseinatutako proiektuaren arabera, lanak 2028an hasi eta 2030ean amaituko dira, eta 400 milioi euroko inbertsioa ekarriko dute.
Aurrekontuen negoziazioan "maila emateko" eskatu die D'Anjouk EH Bilduri, PPri eta Sumarri
EAEko aurrekontuak adosteko negoziazioan "interes alderdikoiak" alde batera uzteko eskatu dio Ogasun eta Finantza sailburuak oposizioari.