Bilboko, Donostiako eta Gasteizko aireportuek datu historikoak lortu dituzte ekainean
Bilboko, Donostiako eta Gasteizko aireportuek sekula izandako datu onenak lortu dituzte ekainean, Aenaren hilero ateratzen duen txostenean ageri denez.
Donostiako aireportuak % 22,1eko hazkundearekin itxi du hilabetea, 2022ko aldi berarekin alderatzen badugu. Guztira 47.612 bidaiari zenbatu ditu. Hala, 2023ko ekaina izan da aireportuak bere historian bidaiari gehien mugitu dituen hilabetea, Aenak jakitera eman duenez.
Bilbokoak bere historiako hileko daturik onena lortu du ekainean, 604.247 bidaiarirekin, 2022ko hilabete berean baino % 13 bidaiari gehiago, eta Forondako aireportuak, Gasteizen, 2022ko hilabete beraren alderatuta, % 36,2ko hazkundea izan du ekainean, guztira 30.143 bidaiari izan baititu.
Gasteizko aerodromoan 1.352 lurreratze- eta aireratze-mugimendu izan ziren, hau da, 2022ko hilabete bereko aire-operazioak baino % 11,9 gehiago. Bilbon 4.762 izan ziren, iazko ekainarekim alderatuta % 5,5 gehiago, eta Donostian 621 zenbatu zituzten, duela urtebete baino % 8,2 gehiago.
Trafiko motari dagokionez, Estatuko bidaiarien kopuruak % 6,5 egin gu gora Bilboko aireportuan, 357.235 bidaiarirekin. Nazioarteko bidaiariak, bestalde, % 23,8 gehitu dira; guztira, 245.939.
Zure interesekoa izan daiteke
Anthropic Burtsara aterako da gaur eta historiako burtsaratze handiena izango da: 85.670 milioi eurotik gora
LABek bertan behera utzi ditu Nafarroako ikuskizunen sektoreko bi greba egunak, negoziazioari berriro ekin ondoren
Gabonetako erosketen ondorioz, abenduan ohi baino % 23 gehiago gastatuko dute familiek
Itoiztik Erriberara: 354 milioi euro Nafarroako ubidearen proiekturako
Espainiako Gobernuak soldaten sekretuarekin amaitu du
Eusko Jaurlaritzak aurrekontuen negoziazioa amaitutzat eman du, oposizioarekin akordiorik lortu gabe
Aurtengo iraila azken hamar urteetako onena izan da esportazioei dagokienez, Jaurlaritzaren arabera
Adifen arabera, grebak % 6,04ko eragina izan du Euskadin goizeko txandan, eta % 15,56koa gauekoan