Sektore publikoko langileak grebara daude deituta gaur, lan baldintzen eta zerbitzuen kalitatearen defentsan
ELAk, LABek, CCOOk, Steilasek, ESK-k eta beste sindikatu batzuek, UGTk salbu, grebara deitu dituzte gaurko, urriak 25, Euskadin sektore publikoan lanean dauden 150.000 beharginak, lan baldintza hobeak eta zerbitzuen kalitatea bermatze aldera.
Zentzu horretan, Eusko Jaurlaritzari, aldundiei eta udalei egingo dizkieten aldarrikapen nagusiak dira erosahalmena bermatzea eta enplegu publikoa egonkortzea, behin-behinekotasuna % 8raino murriztuta.
Hala, sindikatuek salatu dute Euskadin sektore publikoak "okerrera egin" duela, geroz eta pribatizatuago dagoelako. "Egiturazko arazo" bat dela iritzi diote, hain zuzen ere.
Greba deialdiarekin lortu nahi dute, halaber, sektore publikoaren soldatak eta beharrak Euskadin bertan negoziatzea, galdutako erosahalmena berreskuratzea (% 20ko galera, azken hamarkadan), behin-behinekotasun tasa % 40tik % 8ra jaistea, pribatizazioari amaiera ematea eta "egiazko euskalduntzea" bermatzeko planak garatzea.
EH Bilduri eta Elkarrekin Podemosi laguntza eskatu diete
Bi eguneko greba deialdia egin duten sindikatuek (bigarrena abenduaren 19rako) bilera egin zuten atzo EH Bilduko eta Elkarrekin Podemoseko ordezkariekin, Madrilen alderdi biek dituzten ordezkaritzei galdegiteko lor dezatela sektore publikoaren soldatak eta enplegua Euskadin negoziatzea.
Sindikatuek gogora ekarri dutenez, bi alderdi horiek soilik onartu zuten aldiro bilerak egitea, sindikatuek egindako eskaerak entzuteko. Gainerakoek (EAJ, PSE-EE eta PP), aldiz, ez diote egindako gonbitari erantzun. Ordezkari sindikalen hitzetan, "EAJ bezalako alderdiek nahiago dute, antza, adierazpen publikoak egin, eta proposatzen dizkiegun elkarrizketa bide denei iskin egin".
Gutxieneko zerbitzuak
Eusko Jaurlaritzak ezarri ditu dagoeneko biharko gutxieneko zerbitzuak, eta, aurreikusi dutenaren arabera, Lehen Arretak larunbatetako zerbitzua emango du, ikastetxeetan zuzendari eta irakasle bat egongo da gutxienez eta garraio publikoak zerbitzuaren % 30 bermatuko du.
Urkullu, zerbitzuak eta lan baldintzak hobetzeko prest
Iñigo Urkullu lehendakariak ziurtatu du "egunero" saiatu behar dela zerbitzu publikoak eta beharginen lan baldintzak hobetzen, baina ohartarazi du baliabideak "mugatuak" direla. Bestalde, jakinarazi du bideraezina dela zerbitzu guztiak publiko egitea edota diru guztia funtzionarioen soldatetara bideratzea.
ELAk Urkulluri aurpegiratu dio "errealitatetik kanpo" bizitzea
Lehendakariaren hitzei erantzunez, ELAko idazkari nagusi Mitxel Lakuntzak adierazi du "herrialde honen egoeratik at" bizi dela Urkullu.
Gainera, azpimarratu du mobilizatzen ez diren langileek ez dituztela beren lan baldintzak hobetzen. Bestalde, greba deialdiari buruz hau esan du: "Zerbitzu publikoetan egiten den inbertsioa Europakoarekin parekatu beharko litzateke, eta langile publikoen baldintzak Euskadin erabaki beharko lirateke".
Zupiriaren ustez, kaos batean bizi garela ikusarazi nahi dute
Bingen Zupiria Eusko Jaurlaritzako bozeramailearen iritziz, datozen egun eta asteetarako deituta dauden grebek hauteskunde kutsua dute, mobilizaziook "hemendik eta maiatzera arte" deituta daudela gogorarazita. Kritikatu duenez, "badago borondate edo nahi bat ikusarazteko kaos eta katastrofe batean bizi garela", eta halakorik dagoela ukatu du.
Albiste gehiago ekonomia
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.