Iberdrolak 3.640 milioiko etekina lortu du urteko lehen bederatzi hilabeteetan, iaz baino % 17 gehiago
Iberdrolak 3.640 milioi euroko mozkin garbia lortu du 2023ko lehen bederatzi hilabeteetan, hau da, % 17ko hazkundea izan du iazko epe berarekin alderatuta, eta % 22koa, negozioaren zati bat Mexikon saltzearen ondoriozko aparteko etekina alde batera utzita, konpainiak ohar batean azaldu duenez.
Halaber, mozkin gordin operatiboa (Ebitda) % 13 hazi da, 10.783 milioi euroraino, irailean, "hazkunde-eredu dibertsifikatuak, proiektuen gauzatze sendoak eta finantza-sendotasun handiagoak" bultzatuta.
Gainera, 11.000 milioi euro inguruko inbertsioen ostean (10.842 milioi eurokoak izan dira azken 12 hilabeteetan), konpainiak % 9 areagotu ditu sareen aktiboak, 41.300 milioi euroraino, eta 3.100 megawatt berriztagarri jarri ditu martxan.
Ignacio Sanchez Galan konpainiako presidenteak negozioaren bilakaera positiboa azpimarratu du: "Joan den azaroan aurkeztutako estrategia aurrera eramateak hazteko, finantza-sendotasunari eusteko eta irabaziak areagotzeko aukera eman digu".
Horrela, multinazionalak irabazi garbien aurreikuspenak hobetu ditu 2023rako, "ekoizpen handiagoak eta berriztagarriek bultzatuta, merkataritza-jarduera normalizatuta eta sareen negozioan tarifak garestituta, testuinguru makroekonomikoa konplexua izan arren". Aktiboak 150.000 milioi eurora iritsiko dira urte amaieran.
Bestalde, konpainiaren esanetan, "negozioaren hazkundeak finantza-sendotasuna ekarri du". Hala, azken bederatzi hilabeteetan ia 6.000 milioi euroko finantzaketarekin bere balantzea indartu duela azaldu du. Gainera, 20.204 milioi euroko likidezia du, eta, horri esker, 21 hilabeteko finantza-beharrak ase ahalko ditu merkatura jo gabe.
Zure interesekoa izan daiteke
Tubos Reunidosek 71,3 milioi euroko galerekin itxi du 2025eko ekitaldia, behin betiko emaitzen zain
Negozio-zifrak % 13 egin zuen gora, baina batez besteko salmenta-prezio txikiaren ondorioz, konpainiaren zorra 263,2 milioi eurora igo da. Amurrion (Araba) eta Trapagaranen (Bizkaia) lantegiak dituen enpresak ohar baten bidez adierazi duenez, AEBko jardueraren beherakadak eragindako kaltea zenbatzea falta zaie.
Makinistek greba abiatu dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide sektoreko sindikatuek otsailaren 9an, 10ean eta 11n deitutako hiru greba egunetarako.
Amurrioko Tubos Reunidoseko langileek 24 orduko lanuzteari ekin diote, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die. UGT beldur da kaleratzeak 130 baino gehiago izango ote diren.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.