Aurrerapausorik gabe amaitu da Euskadiko anbulantzien hitzarmenaren negoziazio-mahaiaren bilera
Euskadiko Osasun Garraio Elkarteak (EOGE) salatu du sindikatuek ez dutela negoziatzeko borondaterik. Euskadiko anbulantzien hitzarmenaren negoziazio-mahaia bildu da gaur goizean, eta aurrerapenik gabe amaitu da, "kontraproposamen sindikalik ez dagoelako". Hartara, sindikatuek beste greba-egun bat deituko dute.
EOGEk ohar baten bidez jakinarazi duenez, langileen ordezkariek irailaren 29an egindako proposamena onartuko zutelakoan joan da gaur goizeko bilerara, edo, gutxienez, "kontraproposamen errealista eta produktibo bat" aztertzeko asmoz, negoziazioek aurrera egin ahal izateko.
EOGEren esanetan, baina, sindikatuek azken proposamenari ezezkoa eman eta beste greba batera deitu besterik ez dute egin, "presio-neurri gisa, lortu nahi dituzten helburuak argitu gabe, dagoeneko azaldutakoez gain, sektoreko kooperatibek bete ezin dituztenak".
Patronalak konpromisoa hartu du berriz ere "elkarrizketarako borondatearekin" eta elkarrizketekin jarraitzeko, akordio bat lortu arte, eta bere azken proposamena gogoratu du, orduko soldataren % 21,66ko igoera jasotzen baitu (% 4ko igoera 2024-2028 aldiko bost urteetako bakoitzerako).
Hori dela eta, berriro eskatu die sindikatuei II. Hitzarmen Kolektiboaren negoziazioari modu eraginkorrean ekiteko eta "bere sektorearen eta euskal ekonomiaren errealitatearekin bat datozen" eskaerak onartzeko.
Zure interesekoa izan daiteke
Bilera erabakigarria dute bihar erkidegoek eta Osasun Ministerioak, medikuen lan-gatazka bideratzeko
Erkidegoetako osasun arduradunek batzarra egin dute arratsaldean, denen artean adostutako dokumentu bat helarazteko bihar Osasun ministroari, euren ezinegona azalduz. Oraingoz, ez da zabaldu ezer adostea lortu duten edo ez.
Osasun publikoko gatazkaren gakoak: Estatutu Markoaren erreforma eta medikuen aldarrikapenak
Urtebete pasa daramate medikuek protestan, euren lanbidearen berezitasunak aintzat hartuko dituen estatutu propioa aldarrikatuz. Uste dute Espainiako Gobernuko Ministroen Kontseiluak onartu berri duen Estatutu Markoaren erreformak ez dituela aintzat hartzen medikuen eskakizunak. Lan baldintza hobeagoak nahi dituzte.
Medikuen grebari amaiera emateko "giltza" erkidegoek dutela ziurtatu du Garciak
Osasun ministroak gogorarazi du 2000. urtetik erkidegoen esku daudela Osasun Sistemaren baitako hainbat eskumen, horien artean, kudeaketarekin, langileen planifikazioarekin, giza baliabideekin eta lan-baldintzen hobekuntzekin lotutakoak.
Sutea izan da CAFen, Miira lantegiko pintura-kabinan
CAF enpresan sutea piztu da astearte goizaldean, Miirako pintura‑kabinan. LABek jakinarazi duenez, sutearen inguruko nabeetako langileak atera dituzte, eta ez da zauriturik izan. LAB sindikatuak enpresari arduraz jokatzeko eta prebentzio sistemak berrikusteko eskatu dio.
Akordioa Papresan: langileen % 80 subrogatzea eta soldatak izoztea adostu dute
Langileen ordezkariek eta Grupo CL taldeak lortu duten akordioari esker, Errenteriako paper-fabrikaren salerosketa gauzatu ahal izango da. Subrogatuko diren langileen kopurua hasierako proposamenekoa (% 72) baino handiagoa izango da, eta, trukean, bi urtez soldatak izoztea eta lanaldia luzatzea onartu da.
Akordioa lortu dute Maderas de Llodion eta 260 eguneko grebari amaiera eman diote
ELA sindikatuak jakitera eman duenez, akordioak 2025eko urrian kaleratutako langileak berriz hartzea ekarriko du, hala nahiko balute, eta bide judiziala amaitzea ere bai.
Ormuzko blokeoak 200 milioi euroko kostu energetikoa ekarriko dio Euskadiri, Jaurlaritzaren arabera
Mikel Jauregi Industria sailburuak adierazi du industria dela "energia krisiaren ondorioak gehien jasaten ari den sektorea".
Donostiako Topoaren trenbideko obra bukatutzat eman dute, Kontxako geltokia amaituta
Datozen hilabeteetan, trenen zirkulazioa arautzen duten instalazio elektrikoetan, aireztapenean, seinaleztapenean eta komunikazioetan ardaztuko du lana ETSk, baita urbanizazioko jardun eta sarbide jakin batzuetan ere.
Etxebizitzaren prezioa %10,3 igo da Euskadin, Estatuko igoerarik txikiena
Astelehen honetan argitaratutako datuen arabera, urteko lehen hiruhilekoan, % 4,9 igo da EAEko etxebizitza berrien prezioa; bigarren eskukoena, berriz, % 11,4.
Torresek espero du UCOk Tubos Reunidosen gainean hasitako ikerketak enpresaren hartzekodunen korkurtsoan ez eragitea
Mikel Torres Eusko Jaurlaritzako bigarren lehendakariorde eta Ekonomia, Lan eta Enplegu sailburuak espero du SEPIk Tubos Reunidosi emandako dirulaguntzen inguruan UCOk zabaldutako ikerketak "eraginik ez izatea" enpresaren hartzekodunen konkurtsoan. Hala ere, argi du arren "lagundu ez" duela lagunduko. "Espero dut prozesua garbia eta legezkoa izatea", zehaztu du.