1.493 langabe gutxiago zenbatu dituzte EAEn eta 160 gehiago Nafarroan, azaroan
Euskal Autonomia Erkidegoan urrian baino 1.493 pertsona gutxiago zeuden lanik gabe (% 1,36ko jaitsiera) azaroan, eta Nafarroan, aldiz, 160 langabe gehiago zenbatu dituzte (% 0,53) azken hilabetean. Guztira, 108.152 pertsona daude Lanbiden izena emanda —2008tik azaroan erregistratutako langabetu kopuru txikiena—, eta Nafarroako Enplegu Zerbitzuan, 30.160 pertsona.
Hala ere, iazko azaroarekin alderatuta langabeziak behera egin du bai EAEn (% 2,31) eta baita Nafarroan (% 4,23) ere, Espainiako Lan eta Gizarte Ekonomia Ministerioak eta Eusko Jaurlaritzako Lan eta Enplegu Sailak astelehen honetan argitaratutako datuen arabera. Zehazki, EAEren kasuan 2.558 gutxiago dira, eta, Nafarroan, 1.333 gutxiago.
Hiru lurraldeetan jaitsi da langabeen kopurua aurreko hilaren aldean: Araban 457 langabe gutxiago (% 2,36ko jaitsiera), Bizkaian 732 gutxiago (% 1,19ko jaitsiera) eta 304 gutxiago Gipuzkoan (% 1,06ko jaitsiera). Iazko datuekin alderatuta, ordea, Gipuzkoan jaitsi da gehien langabezia, % 2,74, (798 langabe gutxiago), Bizkaiaren, % 2,67, (1.671 langabe gutxiago) eta Arabaren aurretik, % 0,47 (89 langabe gutxiago).
Afiliazioari dagokionez, EAEn, azaroan, 1.011.231 afiliatu zeuden Gizarte Segurantzan, hau da, urrian baino 2.563 gehiago (% 0,25), Gizarteratze, Gizarte Segurantza eta Migrazio Ministerioak astelehen honetan argitaratutako datuen arabera. 2022ko azaroan baino 17.976 kotizatzaile gehiago daude iaz baino % 1,81 gehiago, beraz.
2022ko azaroan baino 17.976 kotizatzaile gehiago daude iaz baino % 1,81 gehiago, beraz.
Kontratazioari dagokionez, azaroan berriro kontratu mugagabeak nabarmendu dira, sinatutako guztien % 24,47 horrelakoak izan baitira. Guztira, 63.163 kontratu berri sinatu ziren, eta horietatik 15.455ek izaera hori izan dute. Horien artean, hilabete bat gehiago nabarmentzekoak dira etxeko jarduerak; izan ere, urrian sinatutako ia kontratu berri guztiak (10etik ia 9) mugagabeak dira.
Nafarroan 293 afiliatu galdu ditu Gizarte Segurantzak, % 0,10 gutxiago urritik, eta 307.866 dira kotizatzen dutenak.
2022ko azaroarekin alderatuta, 5.581 afiliatu gehiago daude, hau da, % 1,85 gehiago.
Kontratazioei dagokienez, azaroan 23.553 kontratu sinatu dira, aurreko hilabetean baino % 8,9 gutxiago (2.305 gutxiago). Urte arteko datuak alderatuta, jaitsiera % 2,4koa izan da (568 kontratu).
Bestalde, aldi baterako kontratuak nabarmendu dira (18.252 kontratu) aldi baterako kontratuen gainetik (5.301 kontratu). Hortaz, sinatutako kontratu guztien % 22,5 mugagabeak izan dira.
Zure interesekoa izan daiteke
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.