Kristau Eskolak lan hitzarmen "errealista" bat adosteko deia egin die sindikatuei, "ardura" eskatuta
EAEko gizarte ekimeneko ikastetxeetan urtarrilerako eta otsailerako deituta dauden 10 greba egunak direla eta, sektoreko patronal nagusiak, Kristau Eskolak, esan du "eutsi" egiten diola sareko eskola mantentzea bermatuko duen hitzarmen "bideragarri eta errealista" bat adosteari.
Ohar bidez, Kristau Eskolak adierazi duenez, greba deialdia errespetatzen badu ere, sindikatuek lehenetsitako estrategia deitoratu du, eta "erantzukizuna eta ardura" eskatu die sindikatu deitzaileei (ELA, Steilas, CCOO, LAB eta UGT) aldeen arteko akordio bat negoziatzen jarraitzeko. Halaber, ukatu egin ditu negoziazio-mahaiaren deialdi-ezari buruz sindikatuek egindako adierazpenak. Izan ere, gogorarazi duenez, hitzarmen-mahaiaren azken bileran lanean jarraitzeko beharra azpimarratu zuela patronalak, eta lan-egutegiarekin aurrera egitea proposatu, adostutako konponbide posibleak elkarrekin bilatzen jarraitzeko bilerak burutzeko asmoz.
Kristau Eskolaren ustez, sindikatuen lan-aldarrikapenak "ikasgeletaraino helarazteak ikasleen hezkuntzarako eskubidean eragin negatiboa du, eta familia-kontziliazioan zailtasun gehiago eranste dizkie".
Horrez gain, "kezka" agertu du aurreikusitako lanuzte-egutegiaren diseinuak dakartzan "eraginengatik"; egutegi horretan "grebalarien interesak ikasleen eta haien familien interesen gainetik agerian gelditzen dira", kritikatu du. Horren ildotik, gogorarazi du grebek 2024-2025 ikasturte berrirako matrikulazio kanpainarekin bat egingo dutela, eta egoera horrek ikastetxeei eta beraien plantillei "kezka" gehitzen diola. Izan ere, jaiotza-tasa baxuaren ondorioz, hezkuntza-sistema osoan matrikulazio-kopurua etengabe jaisten ari da.
Patronalak emandako datuen arabera, hau hezkuntzako matrikulazioetan jaitsiera ari da pilatzen 2012tik, eta joan den ikasturtean 20.000 matrikula baino gehiago galdu direla kalkulatu zutela.
Azkenik, Kristau Eskolak garrantzitsutzat jo du, lan-gatazka egoera honetan, Eusko Jaurlaritzako Hezkuntza Sailaren parte hartzea. Are gehiago orain dela gutxi onartu den Hezkuntzaren Euskal Lege berriaren aurrean.
Gizarte ekimeneko ikastetxeak EAEko hezkuntza sistemaren % 47 dira, eta guztira, 122 zentro daude Araban, Bizkaian eta Gipuzkoan. Gaur egun 7.000 langile ditu eta 110.000 ikasle.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.