Kontsumobidek hipoteka-gastuak urtarrilaren 22a baino lehen erreklamatzeko gomendatzen du
Kontsumobidek, Kontsumoko Euskal Institutuak, hipoteka-gastuen erreklamazioak urtarrilaren 22a baino lehen egitea gomendatzen du eta horretarako oinarri hartzen du data hori erreklamazioak aurkezteko legezko epemuga ezartzen duen interpretazio juridikoa. Izan ere, data hori kalkulatzeko kontuan hartzen da Auzitegi Gorenak 2019ko urtarrilaren 23an eman zuela epaia eta erreklamazioak egiteko legezko epea bost urtekoa izaten dela.
Erreklamazioa banketxeko Bezeroarentzako Arreta Zerbitzuari edo Bezeroaren Defendatzaileari zuzendu behar zaio, eta hark hilabeteko epean erantzun behar du, gehienez ere. Kontsumobideren arabera, funtsezkoa da erreklamazioa zerbitzu espezifiko horren aurrean aurkeztea, bulego konbentzional batean aurkeztea ez aurkeztutzat jo baitaiteke. Institutuak, gainera, erreklamazio-eredu bat eskaintzen du bere webgunean.
Auzitegi Gorenak berretsitako hainbat epairen arabera, hipoteka-mailegua ematen duen banku-erakundeak bere gain hartu behar ditu gestoria-, tasazio- eta erregistro-gastu guztiak, bai eta notariotzako gastuen % 50 ere. Epai horiek hipoteken kontratuetan ezarri ziren eta gastu horiek maileguaren eskatzaileei egozten zizkieten klausulak deuseztatu zituzten.
Klausula horiek baliogabetzeak hipoteka-maileguaren eskatzaileek gastu horiek itzultzeko eskatzeko aukera ireki zuen. Hainbat banketxek epaia onartu eta gastuak eurek ordaindu behar zituztela onartu arren, ez zituzten itzuli nahi izan, erreklamazio-epea amaitu zela argudiatuta.
Gastu horiek erreklamatzeko epea bost urtekoa da, baina, Kontsumobidek azaltzen duenez, galdera erabakigarri bat sortzen da: epe hori kontatzen noiz hasi. Hasiera batean, epea hipoteka sinatzen zen unean hasten zela argudiatzen zuten bankuek, baina Europako auzitegiek jarrera hori baztertu zuten kontsumitzaileei defentsa-gabezia eragiteagatik. Izan ere, bankuen jarrera horrek kontsumitzaileen eskubideak baliatzeko atea itxiko zukeen, klausulen deuseztasuna deklaratu aurretik epea amaituta zegoela onartuko baitzuten.
Kontsumobideren hitzetan, gaur egun, ez dago ziurtasun juridikorik epea jurisprudentzia ezartzen denetik (2019ko urtarrilaren 23a) edo klausula deuseztatzen denetik zenbatzen hasten den jakiteko. Nolanahi ere, gatazkak saihesteko, gomendatzen du hipoteka 2019ko urtarrilaren 15a baino lehen sinatu zutenek hipoteka-gastuak itzultzea erreklamatzea 2024ko urtarrilaren 22a baino lehen.
2019ko ekainaren 15a baino lehen hipotekak sinatu zituzten pertsonak dira hipoteka-gastuak erreklama ditzaketenak, orduan ohikoa baitzen bankuek eskatzaileei egoztea. 2019ko ekainaren 16tik aurrera, Higiezinen Kreditu Kontratuak Arautzen dituen Legea indarrean sartu zenetik, hipoteka-gastuak banketxeei egoztea ezarri zen, eta, beraz, ondorengo hipoteken kasuan ez da bidezkoa gastuak erreklamatzea.
Zure interesekoa izan daiteke
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte, soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langile batzuek, berriz, 27.000 euro.
Nafarroako Foru Ogasunaren autolikidazio-proposamenak, kontsultagai
Gaur abiatuko da kanpaina telematikoa, eta hilaren 20an aurrez aurrekoa, ekainaren 25era arte. Esperientzia pilotu gisa, aurten errenta bulego mugikor bat egongo da hiru puntutan (Zangoza, San Adrian eta Altsasu), Ogasunaren bulegorik ez duten eremuetako bizilagunei tramitea egiten laguntzeko.