Hipoteka gastuen erreklamazioak ez dira preskribatu, EKA kontsumitzaileen elkartearen iritziz
EKA Euskal Kontsumitzaileen Alkartearen ustez, Europar Batasuneko Auzitegiak hipoteka gastuen inguruan eman duen epaia "oso garrantzitsua" da, eta gastuok itzultzeko kontsumitzaileek duten eskubidea aitortzeko "lehen pauso" gisa hartu behar dela nabarmendu du.
Epaia "zuhurtziaz" hartu behar dela uste badute ere, lehen interpretazioaren arabera, ezein erreklamazio ez da preskribatu. Izan ere, ebazpenak iradoki du preskribatze epea klausulak bidegabeak jo ziren unetik (Gorenaren epaia 2019ko urtarrilekoa da) hasi behar dela zenbatzen. Hori horrela, kontsumitzaileei erreklamatzen jarraitzeko deia egin die elkarteak.
Gorenari eta Bartzelonako Lurralde Auzitegiak egindako eskaerei erantzunez, EBko Justizia Auzitegiak hipoteka gastuak erreklamatzeko gehienezko epea zein zen zehaztea espero zen gaur, baina azkenean ez du halakorik egin. Honakoa esatera mugatu da: gastuak erreklamatzeko Espainiako jurisprudentziak ezarritako epea (10 urtekoa) ez dator bat Europako Zuzenbidearekin. Auzitegi europarraren ustez, bezeroari "nahikoa denbora" eman behar zaio dituen eskubideak ezagutu eta erreklamazioa aurkezteko.
EKAk zehaztu duenez, EBko Auzitegiak ez die Auzitegi Gorenak aurkeztutako arazo prejudizialei erantzun, eta Bartzelonako Lurralde Auzitegiak egindakoen inguruan ebatzi du.
Euskal kontsumitzaileen elkartearen arabera, epaiak bi ondorio "oso garrantzitsu" mahaigaineratu ditu. Batetik, preskribatze-epea ez da hasten gastuen fakturak ordaintzen direnean. Bestetik, gai horren inguruan jurisprudentzia egotea ezin dela frogatzat hartu kontsumitzaileak klausula horien abusuzko izaeraren eta ondorio juridikoen berri baduela argudiatzeko.
Albiste gehiago ekonomia
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.
BPGa % 2,2 handitu da Euskadin 2025eko bigarren hiruhilekoan
Eustatek zabaldutako datuen arabera, urte arteko hazkundea % 1,4koa izan da, hau da, aurreko urteko bigarren hiruhilekoan baino 14 035 lanpostu gehiago sortu dira aurten.
Horrelakoa izango da 2027tik aurrera egingo den euskal aireportuen handitzea
Loiuk, Forondak, Hondarribiak eta Noainek hobekuntzak egingo dituzte instalazioetan, Aenaren 2027-2031 inbertsio-planaren barruan, 13 milioi euroko inbertsio globalarekin.
Amnistia Internazionalak Jerusalemgo tren arinaren proiektua bertan behera uzteko eskatu dio CAFi
Gobernuz Kanpoko Erakundeak salatu duenez, tranbia-lineak zabaltzeak legez kanpoko asentamendu israeldarrak sendotzen eta Jerusalem ekialdea anexionatzen laguntzen du.
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.