Beherantz doa euriborra: Erdi mailako hipoteka baten kuota urrian baino 47 euro merkeagoa da orain
2023a urte txarra izan da Euribor indizean oinarritutako maileguak ordaindu behar dituztenentzat. Europako Banku Zentralak ezartzen dituen interes tipoei jarraiki, gora eta gora egin zuen, harik eta urrian % 4,16ko maila hartu zuen arte. Aspaldiko urteetan horrelakorik ikusi gabe geunden, 2008tik hain zuzen ere.
Urritik gaur arte, ordea, beheranzko bideari ekin dio. Azaroan % 4ko muga horren gainetik gelditu zen justu justuan (% 4,022). Abenduan, berriz, azken 14 urteetan hilabete bakarrean egindako jaitsierarik nabarmenena egin zuen eta % 3,679an itxi zuen urtea. Urtarrileko batezbesteko datua ere, koxka bat beheraxeago kokatu da, % 3,614an.
2022ko udaberrian hartu zuen goranzko joera maileguen kuotak kalkulatzeko indizeak. 2016tik ordura arte negatiboan egon zen, baina 2021ean inflazioa hazten hasi zen eta Ukrainako Gerrak egoera okerragotu egin zuen 2022ko martxoan. Harrez gero, hipotekak asko garestitu dira.
Jaisten hasi den arren, orain etxebizitza-mailegua edo tasa aldakorra daukan beste maileguren bat berrikustea egokitzen zaien horiek 2023ko urtarrilean baino garestiago ordainduko dute kuota – orduan % 3,337an baitzegoen-. Hala ere, urrian baino merkeagoa izango da.
25 urtetan itzultzeko eta % 1eko diferentziala duen 150.000 euroko erdi-mailako hipoteka bat adibide hartu dugu. 2023ko urtarrilean berrikuspena eginda, 819,93 euroko kuota ordaindu beharko litzateke. 2023ko urrian berrikusita, kuota 890,92 eurokoa zen. Aldiz, orain berrikusiko bagenu, 843,66 eurokoa izango litzateke, urrian baino 47 euro merkeagoa.
EBZk ezartzen dituen interes tipoekin lotuta dago euriborraren maila. Inflazioa % 2aren azpitik mantentzeko borroka horretan tasak igotzen joan da eta urritik % 4,50an mantendu ditu. Udazkenean iragarri zuten 2024an tasa horiek jaisteko aukera egon zitekeela, baina Ekialde Hurbileko gatazkak sortutako ezinegonak prezioak nahi baino altuago mantentzen ditu - % 2,9an gelditu zen abenduan eurogunean- eta Pedro de Guindosek, EBZko zuzendariordeak, interes tipoen jaitsierak ez duela "egutegirik" esan berri du.
Hala ere, euriborra, apurka bada ere, ari da behera egiten. Abenduko jaitsieraren ondoren, urtarrilean % 3,6aren bueltan ibili da eta eguneroko tasa % 3,550etik behera ere egon da egun batzuetan, 2023ko otsailetik izan duen mailarik baxuenean.
Adituen ustez, ekonomiak ezusteko handirik ematen ez badu, 2024an jaisten jarraituko du eta maileguak dituztenetako askori arnasaldi bat emango dio.
Albiste gehiago ekonomia
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.