Gorenak berretsi du gosariko denbora eta sarreran 15 minutuko kortesiazko margina lanordutan sartzen direla
Auzitegi Gorenak berretsi du gosariko denbora eta lanaldia hasteko ezarritako orduaren ondorengo 15 minutura arteko kortesia-tartea lan-ordutzat hartu behar direla.
Joan den martxoaren 5eko data duen epai batean, lan-arloko salak onartu egin ditu UGT, CCOO eta SECB sindikatuek Auzitegi Nazionalak 2020ko urrian emandako eta CaixaBankeko langileei eragiten dien epai baten aurrean ezarritako helegiteak.
Bere epaian, Gorenak uste du benetako lan-denboratzat hartu behar dela lanaldia hasteko ezarritako orduaren ondorengo 15 minutuetan igarotzen dena, "ordutegiaren kontrol zurruna" duten eta nagusien edo parekoen kategoriarik ez duten langileentzat.
Era berean, enpresareb helegitea ezetsi eta gosari-denbora benetako lan-denbora gisa kontabilizatzeko eskubideari eusten dio, enpresa horretan lanaldiaren erregistroa ezarri aurreko akordioetatik ondoriozta daitekeenez.
Aurreko epai batean, Auzitegi Gorenak enpresei gomendatu zien gida bat sortzea lanaldiaren erregistroa aktibatzeko jarraibide zehatzekin.
Kasu honetan, CaixaBankek egin zuen gida hori, eta uste zuen lanaldiaren erregistroak errealitatearen isla izan behar duela, eta, beraz, ezinezkoa zela sarrera-orduaren ondorengo minutuak benetan lan egindakotzat hartzea.
Baina Gorenak uste du lanaldia hasiera gisa ezarritako ordutik ondorengo 15 minutuetan lanera iristen denak eskubidea duela bere fitxaketan garaiz iritsi dela ager dadin.
Zure interesekoa izan daiteke
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.