20 urte bete ditu BECek: 3.200 ekitaldi, 19 milioi bisitari eta 1.806 milioi euroko eragina
3.200 ekitaldi inguru, 19 milioi bisitari eta 1.806 milioi euroko eragin ekonomikoa. Datu horiekin iritsi da Bilbao Exhibition Centre (BEC) bere 20. urteurrenera. "Helburua zen BEC Europako mailan eta mundu mailan erreferentziazko gune bilakatzea, eta lortu da", esan du zuzendaritzak, gaur zabaldu duen oharrean.
Kongresuak, topaketak, erakusketak, azokak, lanpostu publikoetarako azterketak, kontzertuak edota kirol ekitaldiak. Denetarik hartu du Barakaldon kokatuta dagoen erakustazokak azken lau hamarkadotan. Zehazki, 3.172 ekitaldi izan dira eta horiek 19 milioi bisitari erakarri dituzte.
Horrek guztiak 1.806 milioi euroko eragin ekonomikoa izan du EAEko Barne Produktu Gordinean, eta zentzu horretan, iazko jardunaldian jarri du azpimarra zuzendaritzak: 156 miloi euroko eragina izan zuten 2023an BECen izandako ekitaldiek.
Publikoan "oroitzapen ahaztezinak" utzi dituzten ekintzen artean, MTVren EMA Sariak, Bryan Adams, Bruce Springsteen, Fito, Sting, ACDC, Chuck Berry, Berri Txarrak eta Rosalia artisten kontzertuak edota Euskal Herriko Bertsolari Txapelketa Nagusien hiru finalak ekarri dituzte gogora oharrean. Halaber, enpresa arloari dagokionean, ADDITeD, Basque Open Industry, BeDIGITAL eta BIEMH-Makina Erremintaren Biurtekoa aipatu dituzte, beste askoren artean.
Norabide beretik jarraitzeko asmoa agertu du BECek, lan-lerro berriak urratuz. Esan dutenez, jasangarritasuna, digitalizazioa eta erabiltzaile-esperientzia kontzeptuak izango dira etorkizuneko bide-orriaren ardatzak.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).