Bilboko Zorrotza auzoko Profersa enpresa behin-behinean ixtea agindu du Eusko Jaurlaritzak
Eusko Jaurlaritzak Bilboko Zorrotza auzoko Profersa enpresa behin-behinean itxi du, EiTB Mediak jakin ahal izan duenez.
Azken 15 egunetan ongarrien lantegian izandako bi isurien ondorioz, Ingurumen Sailak ikuskapenak egin eta hainbat akats atzeman ditu, ustez gertakari horietan eragin zuzena izan dutenak.
Gauzak horrela, Jaurlaritzak lantegia ixteko agindu du akatsak konpondu eta ikuskatzaileek hori horrela dela egiaztatu arte. Hori gertatuko balitz, lantegia berriro martxan jartzeko baimena izango luke.
Profersatik adierazi dutenez, pasa den ostiraletik lantegia itxita dago eta ez du jarduerarik. Enpresako iturrien esanetan, igandean erabaki zuten izandako intzidentziak aztertzeko aste honetan ateak ez zabaltzea.
Pasa den larunbatean Zorrotzako lantegitik isuritako ke laino baten ondorioz, kalera ez ateratzeko eta etxeetako ateak eta leihoak ixteko eskatu zieten larrialdi zerbitzuek inguruko bizilagunei.
Apirilaren 26an ere antzeko gertakari bat izan zen enpresa horretan.
Bizilagunek lantegia auzotik ateratzea eskatu dute orain baino lehen. Esaterako, iragan maiatzaren 2an 1.000 lagunek baino gehiagok parte hartu zuten manifestazio batean, "Sader eta Profersa enpresak Bilboko herrigunetik" atera behar dituztela aldarrikatzeko. Izan ere, bizilagunen iritziz, langai arriskutsuekin eta ongarri kimikoekin lan egiten duten enpresa horiek arriskutsuak dira inguruko herritarrentzat.
Sader eta Profersa Bilbo erdigunetik behin betiko ateratzeko eskatu dute EH Bilduk eta Elkarrekin Podemosek
Albistearen berri izan ondotik, Sader eta Profersa enpresak behin betiko Bilboko herrigunetik ateratzeko eskatu dute EH Bilduk eta Elkarrekin Podemosek.
Maria del Rio EH Bilduk Bilboko Udalean duen bozeramaileak adierazi duenez, lantegia behin-behinean ixteko erabakiak agerian uzten du auzotarrek behin eta berriz salatu izan duten "segurtasun falta" eta "osasun publikorako mehatxua". Gainera, gogorarazi du Profersaren lekualdaketa 2018an erabaki zuela udalbatzk, eta sei urte geroago oraindik ez dela gauzatu.
Era berean, Ana Viñals Elkarrekin Podemosek Bilboko Udalean duen bozeramaileak begi onez ikusi du itxiera. "Osasun publikoarekin ez da jolasten, eta horregatik ez gara geldituko Sader ere Bilbotik atera arte. Horrelako enpresek ezin dute herri edo hirietatik gertu egon ", azpimarratu du.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.