Medikuen 1.000 txanda gera litezke udan bete gabe, Euskadiko Medikuen Sindikatuaren arabera
Euskadiko Medikuen Sindikatuak (SME) Osakidetzaren "itxuragabekeria" kritikatu du, udan Lehen Mailako Arretako zentroen inguruan sortutako zalapartaren ondotik; izan ere, aurten ere osasun-zentro asko itxi egingo dira udan, eta beste zenbaitetan ordutegiak murriztuko dituzte. Sindikatuaren arabera, neurri horrek ez du bermatzen uda sasoiak "herritarrei osasun-arreta ematea".
"Gure kalkuluen arabera, bete gabeko mila txanda mediko inguru izan daitezke", adierazi du sinbdikatuak ohar bidez, eta ohartarazi du Giza Baliabideen Zuzendaritzak ez duela ukatu hori horrela denik. Medikuen sindikatutik gogorarazi dutenez, herritarrek zerbitzua eskatzen dutenean, "arreta medikoa" bilatzen dute, eta hori, SMEren ustez, "ezin dute beste edozein kategoriako profesionalek bete".
Testuinguru horretan, udan etor daitekeen "arazo larria onartu beharrean", sindikatutik uste dute Giza Baliabideen Zuzendaritzak erabaki duela, epai judizial bat tarteko, EAGko eta Larrialdietako langileei, "beren borondatez aparteko txandak egiteko prest daudenei, orduko 33 euro gordin ordaintzea, "orain arte egunez kobratzen zenaren erdia".
Gogora ekarri behar da erizainek aparteko orduen ordainketa diskriminatorioa zela eta epaitegietara jo zutela, eta, epaileek arrazoia eman zietela. Epai horren aurrean, Osakidetzak medikuen ordaintza jaistea ebatzi du. Sindikatuak salatu duenez,aparteko orduak egitea egiturazkoa bihurtu da, eta hori gabe ezin liteke zerbitzua bermatu.
Sendagileen Sindikatutik azpimarratu dute "egokiena eta lehentasunezkoena lan-baldintzak hobetzea dela, kontratazio-zerrendetan behar adina mediku izateko" eta gogorarazi du "kudeaketa txar horrek eta jarduteko modu horrek" ez duela bermatzen "udako hilabeteetan Osakidetzako euskal herritarrei osasun-arreta ematea".
Astelehen honetan iragarri Osakidetzak, aurreko urteetan bezala, Lehen Mailako Arretako zentroen ordutegiak egokituko dituela udari begira, eta aurten, gainera, kasu batzuetan aste honetan bertan sartuko dela neurria indarrean. 339 anbulatorioetatik heren bati eragingo dio: 72tan ordutegiak murriztuko dituzte, eta 44tan itxiera puntualak egingo dituzte.
ELA eta CCOO sindikatuek, bere aldetik, "murrizketak" salatu dituzte. ELAk salatu duenez, uda honetan "murrizketak gero eta handiagoak dira, denbora-tarte zabalagoa hartzen dute eta osasun zentro eta etengabeko arretako gune gehiagori eragiten die".
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".