Zordun zaurgarrien etxegabetzeak 2028 arte etetea onartu du, aho batez, Diputatuen Kongresuak
Diputatuen Kongresuko osoko bilkurak aho batez onartu du, arrazoi hipotekarioak direla-eta, zordun zaurgarrien etxegabetzeak bertan behera uztea 2028ko maiatzaren 15era arte.
Hamarkada bat baino gehiagoz luzapenak kateatzen ari den neurri bat da, eta, gaurko plenoan, neurria iraunkor egiteko aukeraren eztabaidak aurrekoetan baino indar handiagoa hartu du.
Isabel Rodriguez Etxebizitza eta Hiri Agenda ministroak neurriari eutsi beharra dagoela azaldu du, "hipotekaren letra ordaindu ezinagatik etxebizitza gal dezaketen pertsona horiek gizarte-bazterketa egoeran jausi ez daitezen", are gehiago "zalantzazko etorkizuna duen interes-tasen koiuntura batean".
Errege Lege Dekretua, aldeko 347 botorekin eta Voxeko diputatu baten abstentzioarekin baliozkotu da. Lege-proiektu gisa izapidetuko da orain, eta horrek esan nahi du testuari zuzenketak egin ahal izango zaizkiola.
Etxegabetze-hipotekarioen etetearen jatorria hipoteka-zordunen babesa, zorraren berregituratzea eta alokairu soziala indartzeko neurriei buruzko legean datza. Lege hori PPren Gobernuak onartu zuen 2013an, 2008ko krisi ekonomikoaren ondorioak arintzeko.
Lege horrek bi urtez geldiarazten zituen gizarte-bazterkeriako arrisku bereziko egoeran zeuden familien etxegabetzeak, besteak beste, familia ugariena eta gutxienez seme-alaba bat ardurapean duten guraso bakarreko familia-unitateena, adingabeak edo mendekoak edo desgaituak ardurapean dituzten familiena, genero-indarkeriaren biktimena, langabeena eta 60 urtetik gorakoena.
Ordutik luzapenetik luzapenera joan da legea, horietako azkena Podemosen ekimenez, 2020ko maiatzean, covid pandemia lehertu berritan, lau urtez luzatu ez ezik, familia gehiagori heltzeko aukerak zabaldu zituen dekretu batekin. Gaur beste lau urterako luzapena onartu dute.
PPk neurria babestu du, baina, aurretik gogora ekarri du Mariano Rajoyren Gobernuak onartutako legea dela oinarrian, eta Pedro Sanchezen Gobernuari leporatu dio "azken sei urteetan etxebizitza Estatu arazo bihurtu izana".
Voxek ere babestu egin du neurria, argudiatuz "une kritiko batean okerren pasatzen dutenek zuen festak eta arduragabekeriak ordain ez ditzaten" egiten duela, esan du bozeramaileak Carlos Hernandez Quero diputatuari zuzenduz.
Eztabaidan, Alberto Ibañez Sumarreko ordezkariak bankuen eta "funts putreen" aurka egin du, eta 2024an Ondorio Anitzeko Errentaren Adierazle Publikoa (IPREM) % 3 igotzea eskatu die sozialistei. Era berean, beste neurri bat hartu beharraz ohartarazi du, hain zuzen ere, Jabetza Erregistroan jaso dadila etxegabetzeen moratoria aplikatzen zaien etxebizitzak zeintzuk diren, "funts batek erosi nahi duenean Estatuak babestutako familia bat dagoela jakin dezan".
Ione Belarra Podemoseko liderrak azpimarratu duenez, neurri hori "tirita" bat da pertsona kalteberentzat, eta Espainiak "funts putreekin duen espekulatze-arazo larria" konpontzeko proposamenak egin ditu, besteak beste, etxejabe handien etxebizitzen erdia desjabetzeko.
Idoia Sagastizabal EAJko diputatuak adierazi duenez, "agian legea beste modu batean lantzeko unea da, familia kaltetuak ez daitezen bizi luzapen eta luzapen artean". Oskar Matute EH Bilduko ordezkariaren ustez, berriz, neurri "aringarri" horrek etxegabetuak diren pertsonen % 13ri baino ez die mesede egiten. Bestalde, Nestor Regok (BNG) neurria "behin betiko" egitea eskatu du, hamar urte baino gehiago indarrean egon ostean.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.