Interinoak finko bihurtzea "aukera bat" da behin-behinekotasuna saihesteko, Europako Justiziaren arabera
Europako Justiziak ebatzi duenez, urteetan aldi baterako kontratuak kateatu dituzten langile publikoak behargin mugagabe ez finko bihurtzea ez da behin-behinekotasuna saihesteko "irtenbide egokia", eta langile interinoak finko bihurtzea "aukera bat" dela berretsi du.
Europar Batasuneko Justizia Auzitegiak (EBJA) ostegun honetan eman du epaia, Kataluniako administrazio publikoko langileen hiru kasu aztertu ostean.
EBko auzitegiak berriz ere salatu du Espainiako legeriak ez dituela Administrazio Publikoak aldi baterako kontratazioarekin egindako abusuak zigortzeko behar bezalako neurriak ematen, eta konponbide gisa, kaltetuak izan diren langileei kontratu mugagabea egitea proposatu du, betiere "legearen aurkako Zuzenbide nazionalaren interpretazioa ez badakar".
Bere epaian, Europar Batasuneko Justizia Auzitegiak nabarmendu du galdera egin zion Espainiako epaitegiaren ustez, bitarteko langileak langile mugagabe bihurtze hori, legezkoa izango litzateke, betiere langile horiek "karrerako funtzionarioentzat indarrean dauden kargugabetze- eta kaleratze-arrazoi berberen mende egongo balira", baina "karrerako funtzionario izatea lortu gabe".
Modu honetara, Bartzelonako epaitegi batek egindako epaiketa aurreko arazoei erantzuten die Europako Justiziak. Aipatutako epaitegiak hiru langile Funtzio Publikoaren Zuzendaritza Nagusiarekin eta Kataluniako Generalitateko Justizia Sailarekin aurrez aurre jarri dituen bi kasu ebatzi behar ditu. Kasuetako batean langileek aldi baterako kontratuak kateatu dituzte 80ko eta 90eko hamarkadetatik.
Joan zen otsailean, ildo beretik zihoan beste ebazpan bat eman zuen EBJAk. Ondoren, maiatzean, Auzitegi Gorenak uko egin zion bitarteko langileak automatikoki langile finko bihurtzeari, argudiatuz erabaki hori ez dela "inola ere EBko Justizia Auzitegi Nagusiaren otsailaren 22ko epaitik erator daitekeen neurria".
Escriva, "2021aren aurreko kasuei" buruzko iritzia jakiteko zain
Europar Batasuneko Justizia Auzitegiaren erabakiari buruz, Jose Luis Escriva Funtzio Publikoko ministroak esan du auzitegi horrek "2021aren aurreko kasuei" buruz duen iritzia jakiteko dagoela, "batez ere auzitegiei dagokielako, eta auzitegiek gatazka horiek nola konpondu behar dituzten" argudiatuta.
"Kasu historiko horietatik haratago, uste dut garrantzitsuena egin dugun guztiari eta egiten jarraitzen dugunari begiratzea dela, sektore pribatuan gertatu den gauza bera, lan-erreformari esker behin-behinekotasuna desagertzen ari den moduan, sektore publikoan ere gauza bera gertatu dadin", adierazi du ministroak.
Horrela, Espainiako Gobernuaren helburua "erregularizazio kopuru jakin batera" iristea dela esan du, urte amaieran 300.000 lanpostu egonkortzea, hain zuzen ere. Azaldu duenez, dagoeneko "% 75era" iritsi dira, eta, beraz, "aurten sobera beteko dugu, ez dut zalantzarik".
Era berean, "urte horietan guztietan gertatu dena berriro ez gertatzearen garrantzia" gogorarazi du, eta horretarako langile eta funtzionario publikoen "esparru egonkorra" izateko neurriak hartzen ari direla.
Albiste gehiago ekonomia
'La Suizako 6ak' erabat aske uzteko eskatu dute, hirugarren gradua lortu ostean
CNT sindikatuak elkarretaratzeak egin ditu Bilbon eta Donostian, 'La Suizako 6ak' ezizenez ezagun egin diren sei sindikalisten alde. Izan ere, bost emakume eta gizon bati kartzela zigorrak ezarri dizkiete Gijongo 'La Suiza' gozotegiaren aurrean, langile baten kaleratzearen aurka, protestak eta mobilizazioak egiteagatik.
Asteburuko greba bertan behera utzi dute Gipuzkoako Avanzako langileek
Langileek greba egiteko eskubiderako "gutxieneko baldintzak" betetzen ez direla deitoratu du enpresa-batzordeak.
BBK Live jaialdiak 23,6 milioi euro baino gehiago utzi ditu Bilbon
115.000 parte-hartzaileen artean, % 17 atzerritarrak dira, batez ere Erresuma Batutik, Frantziatik, Italiatik eta Portugaldik etorritakoak. Gainera, hotelen okupazioa % 90etik gorakoa izan da musika jaialdiak iraun duen bitartean.
ELAk eta LABek ziurtatu dute Torresek proposatutako gutxieneko soldataren igoerak 10.000 langileri bakarrik eragingo liekeela
Uste dute proposamenak ez dituela kontuan hartzen enpresek azken urteetan lortutako irabaziak, ezta beren plantillek sortzen duten produktibitatea ere, eta, horrenbestez, helburua ez dela "gizarte-kohesioa, ezta aberastasunaren banaketa justua ere".
BSHko langileek datorren astean bozkatuko dute lan- erregulazioko espedienteari buruzko aurreakordioa
Enpresa batzordearen gehiengoak (LABek eta ELAk, ez) aurreakordioa lortu du aste honetan zuzendaritzarekin, eta, horren arabera, lantegia itxi eta 609 pertsona kaleratuko dituzte. Langileen ordezkariek deituta, batzarrak egingo dituzte ostiral honetan, eta bozketa, ziurrenik, astelehenean egingo dute.
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).