Talgok Skoda txekiarraren proposamen bat jaso du fusionatzeko
Trenak eraikitzen dituen Talgo enpresak baieztatu du Skoda Transportation talde txekiarrak proposamen bat egin diola bi enpresak elkartzeko. Proposamenak negozioen eta integrazio industrialaren konbinazio bat planteatzen duela adierazi du taldeak, baina eskaintza ekonomiko zehatzik egin gabe. 700 langile biltzen dituen lantegia du Talgok Arabako Rivabellosa udalerrian.
Hala jakinarazi dio Talgok astearte honetan Balore Merkatuaren Batzorde Nazionalari (CNMV), merkatua ireki aurretik. Skoda izango da, beraz, Magyar Vagon hungariarrak Talgori buruz egindako erosketa-eskaintza publikoari (EEP) aurre egiteko merkatuko hautagai nagusia. Konpainia hungariarrak 619 milioi euro eskaini ditu konpainiaren % 100aren truke.
Talgok, baina, ohar bidez zehaztu du Skodaren proposamenak ez duela eskaintza ekonomikorik zehazten, eta, beraz, proposamenari buruzko xehetasun gehiago eskatu dizkio, Magyar Vagon enpresaren eskaintza hobetzen duen jakiteko. Era berean, konpainiak gaur egun dituen gaitasun industrialak eta finantzarioak zeintzuk diren azaltzea ere exijitu dio, hurrengo urratsak baloratu ahal izateko.
Skoda Transportationen proposamena Hungariako GanzMaVag (Magyar Vagon) taldeak Talgori egindako proposamenaren ondotik iritsi da. Nolanahi ere, talde hungariarraren proposamenari ez dio babesik eman Espainiako Gobernuak, uste baitu Talgo operadore estrategikoa dela, munduan teknologia bakarra duena, eta tren-garraioan funtsezko eginkizuna betetzen duena.
Are gehiago, Espainiako Gobernuko Garraio eta Mugikortasun Iraunkorreko ministro Oscar Puentek behin baino gehiagotan adierazi du Gobernuak "kontu handiz begiratzen diola EEPri, jokoan beste eragile batzuen, inbertitzaileen eta beste fabrikatzaile batzuen zain". Orain Skodaren proposamena begi onez ikusten du Espainiako Gobernuak.
Skoda Transportation ingeniaritza taldea, egoitza Pilsenen duena, eta hiri eta trenbide garraiorako tren ibilgailu elektrikoak garatzen eta fabrikatzen espezializatuta dago.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".