Lan-istripuen heriotza-tasa % 28,5 hazi da Euskadin, eta zauritu larriak % 45
Guztira 18 pertsona hil dira lan-istripuz urteko lehen sei hilabeteetan Euskadin, hau da, iaz aldi berean hildakoak (14) baino % 28,5 gehiago. Era berean, % 45 hazi da zauritu larrien kopurua, 116 izan baitira; aurreko ekitaldian, berriz, 80 izan ziren larri lesionatuak.
Osalanen datuen arabera, urtarriletik ekainera baja eragin zuten 21.174 lan-istripu jakinarazi dira EAEn, hau da, iazko aldi berean baino % 7,6 gehiago, 1.490 gehiago izan baitira. Horien artean sartzen dira lanaldiko ezbeharrak, 'in itinere' gertatutakoak eta berriro gaixotzeak.
Lanaldian ezbehar-tasa handiena izan zuen sektorea Zerbitzuak izan zen (9.607 istripu), eta Industria (5.835 ezbehar), Eraikuntza (2.163 istripu) eta Nekazaritza, Abeltzaintza eta Arrantza (304 baja) daude zerrendan ondoren.
Bestalde, EAEn, urteko lehen seihilekoan, laneko baja eragin duten 871 gaixotasun profesional berri zenbatu dira; hau da, % 1,4ko igoera izan da 2023ko aldi berean zenbatu zituztenekin alderatuta.
Fogasaren prestazioak
EAEko 1.826 langilek 13,2 milioi euroko prestazioak jaso zituzten urteko lehen sei hilabeteetan Soldatak Bermatzeko Funtsetik (Fogasa), konkurtsoan dauden edo kaudimenik ez duten enpresetako langileei soldatak eta kalte-ordainak ordaintzeaz arduratzen den erakundetik; iazko aldi bereko datuekin alderatuta, % 34,2 igo da laguntza jaso duten langileen kopurua.
Zure interesekoa izan daiteke
Etxeko hegaztien konfinamendua amaitu dute hegazti gripearen egoera hobetu ondoren
Neurria 2025eko azarotik egon da indarrean, eta bertan behera geratu da basa-hegaztien kasurik ez dagoela egiaztatu ondoren eta tenperaturak gora egin duela ikusita.
Metroko bi zaintzailek salatu dute eraso "bortitza" jasan zutela Urdulizen
CCOO sindikatuak Metro Bilbaori eta enpresa esleipendunari eskatu die langileei baliabide egokiak emateko, "muturreko indarkeria" egoerei aurre egin ahal izateko.
Justiziak ez du onartu mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplize gisa. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa batera esportatzeagatik, eta hori, ustez, armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.
Sindikatu eta abokatuek langileak "finko" egin ditzatela eskatu dute, Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain mahai gainean dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak kontratu finkoak izatea ezinbestekotzat jotzen dute. ELAk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.