Erregaien prezioak behera egin du berriz, gasolioa urteko baxuenean utziz
Espainiako Estatuko erregaien prezioak behera egin du berriro aste honetan, inflazioaren beherakada eraginez. Ondorioz, diesela urteko preziorik baxuenetan eta gasolina otsailetik izan duen gutxieneko kostuan ezarri dira.
Hain zuzen ere, gasolioaren litroa 1,437 eurotan saldu da aste honetan. Aurreko asteko 1,453 euroen aldean % 1,1 jaitsi da, eta, horrela, seigarren jaitsiera izan du jarraian, 2023ko uztailaren hasieratik izandako mailarik baxuenean kokatuz.
Gasolinari dagokionez, batez besteko prezioak % 1,13 egin du behera, 1,565 eurora arte. Segidako zazpigarren beherakada da, eta otsailaren hasieratik izan duen mailarik baxuena harrapatu du.
Erregaiek uztailean ekin zioten jaitsierako bide horri, oporraldiarekin batera, urte osoan zehar errepidez joan-etorri gehien egiten diren garaian.
Iaz baino merkeago
Egungo prezioekin, 55 litroko bataz besteko diesel depositu bat betetzeak 79 euro inguruko kostua du, iaz baino 9,6 euro gutxiago, orduan 88,6 euro ingurukoa baitzen. Alegia, gasolioaren batez besteko prezioa 2023 urteko aste berean baino % 10,8 merkeagoa da orain.
Gasolinaz mugitzen diren ibilgailuetarako, batez besteko gordailu bat betetzeko (55 litro), 86 euro inguru ordaindu behar dira, iazko aste berean baino 8,6 euro ( % 9) gutxiago.
Bi zenbai hauek Errusiak Ukraina inbaditu aurretik (2022ko otsailaren 24an) zeuden mailen azpitik daude, orduan gasolioaren litroa 1,479an baitzegoen eta gasolinarena 1,591 euroan. Inbasioaren ondoern sortutako ziurgabetasunak eta krisiak produktu energetikoen prezioen igoera ekarri zuen, baita erregaiena ere, eta urte hartako uztailean maximo historikoetara iritsi ziren: 2,1 euro balio zuen dieselaren litro bakoitzak eta 2,141 euro gasolinarenak.
Erregaien prezioa hainbat faktoreren araberakoa da; kotizazio espezifikoa (petrolioarenetik bereizia), petrolioaren bilakaera, zergak, lehengaiaren eta logistikaren kostua eta marjina gordinak hartzen dira kontuan. Gainera, petrolioaren kotizazioaren bilakaera ez da zuzenean erregaien prezioetara eramaten, aldi bateko tartea izan ohi du.
Albiste gehiago ekonomia
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".