Eusko Jaurlaritzak % 1,9ko hazkunde ekonomikoa espero du aurten, eta % 2,1ekoa 2025erako
Mikel Torres lehendakariorde eta Ekonomia, Lan eta Enplegu sailburuak jakitera eman duenez, Eusko Jaurlaritzak % 1,9ko hazkunde ekonomikoa espero du aurten EAEn eta % 2,1ekoa 2025erako. Nabarmendu duenez, datu horiek "nabarmen gainditzen dituzte eurogune osorako egin diren aurreikuspenak".
Mikel Torresek Euskadiko Ekonomia eta Gizarte Arazoetarako Batzordeak (EGAB) egin duen Memoria Ekonomikoaren txostenaren emaitzak aurkeztu ditu Donostian, Euskal Herriko Unibertsitatearen (EHU) Udako Ikastaroen esparruan. Bere hitzetan, hazkunde ekonomikoaren helburuak lortzeko "ezinbestekoa izango da euskal ekonomiak une hauetan duen hazkundearen -% 1,8koa da- erritmoari eustea".
Ekonomia sailburuak adierazi duenez, aurreikuspenen arabera, erritmo hori "mantendu egingo da, edo are gehiago bizkortu daiteke, aurtengo azken txanpan eta datorren urtean zehar, inflazioaren kontrolak eta interes-tasen jaitsierak euskal enpresek eta etxeek jasaten dituzten kostuen eta prezioen tentsioak arintzen dituzten heinean".
Europako funtsak
Era berean, Mikel Torresek azpimarratu nahi izan du Berreskurapenerako eta Erresilientziarako Europako Mekanismoaren funtsek garrantzi handia izango dutela ekonomia- eta enplegu-politikak garatzeko. "Europako funtsek eragin positiboa izan dute txosten honetan islatzen diren jarduera-mailetan eta datu makroekonomikoetan, batez ere Europako batez bestekoarekin alderatzen badugu. Zalantzarik gabe, Europako funtsen pizgarria elementu garrantzitsua izaten ari da berreskuratze horretan", ziurtatu du.
2024ko lehen seihilekoan, funts horietatik 2.500 milioi euro EAEri esleitu zitzaizkion, erdia autonomia-erkidegoen kudeaketapean, eta azken horietatik % 75 jada indarrean dauden edo amaituta dauden proiektuetara bideratuta.
Azkenik, Torresek azpimarratu du garrantzitsua dela gizarte-eragileek Memoria Sozioekonomikoa egiten parte hartzea. Politika ekonomikoek "hazkundea eragin behar dute, baina baita kohesio soziala ere, aberastasun justuaren banaketa bermatu eta desberdintasun sozialak murriztu".
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.