Espainiako Gobernuak planteatu du bajatik "pixkanaka lanera itzuli" ahal izatea, medikuen ikuskaritzapean
Bajan egon ostean, medikuen ikuskaritzapean, lanpostura "pixkanaka-pixkanaka itzultzeko" aukera proposatu die Espainiako Gobernuak Estatuko gizarte-eragileei gaur.
Borja Suarez Gizarte Segurantza eta Pentsioen Estatu idazkariak komunikabideei azaldu dienez, zenbait egoeratan "pixkanaka lanera itzultzea" da beharginen osasuna hobetzeko modurik eraginkorrena.
Suarezek azpimarratu du medikuaren erabakiak ekarriko lezakeela egoera aldatzea, "gradualtasun" hori sendagiria jaso ondoren izango litekeela eta prestazioa eta soldata nolabait bateragarri egin litezkeela.
Gizarte Segurantzak azaldu duenez, kasu horiek gerta litezke, adibidez, baja luzeen ondoren lanera itzultzean, lanaldi osora itzultzea problematikoagoa izan daitekeelako edo gaixoberritzea ekar dezakeelako. Kasu guztietan, lanera itzultzeko aukera hori alta jasotakoan egingo litzatekeela nabarmendu dute, hau da, behargina sendatuta dagoenean.
Gaur egun ezinezkoa da soldata eta ezintasunagatiko prestazioa batera kobratzea, eta, beraz, horren inguruko neurriren bat hartu beharko litzateke.
Estatuko gizarte-eragileen artean, UGT eta CCOO sindikatuek "baja malguen" planteamenduaren aurka daudela aurreratu dute. CEOE patronalak, aldiz, negoziazioen hasiera baloratzea saihestu du.
"Arinkeria eta arduragabekeria da", adierazi du Carlos Bravo CCOOko Politika Publikoen eta Gizarte Babesaren idazkariak. Bileraren atarian prentsari adierazi dionez, Gizarte Segurantzak kezka azaldu die aldi baterako ezintasunagatiko prestazioen gastua handitu delako, baina ez dute proposamen zehatzik egin.
Era berean, Cristina Estevez UGTko Erakunde Politikako eta Lurralde Politiketako idazkariak proposamenak eskatu ditu. "Proposamen zehatz bat izan arte, ezin dugu jakin Ministerioak zer nahi duen. Egia da niri lasaitasun mezu bat bidaltzea gustatuko litzaidakeela eragin den alarma sozialari dagokionez", esan du.
Estevezek ziurtatu duenez, "mahaian parte hartzen dugun gizarte-eragileak, ez sindikatuak, ezta patronalak ere, ez gaude inola ere baja malguen alde edo horiek bermatzearen alde, zentzugabekeria da".
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".