Sidenorrek baieztatu du Talgo erosi nahi duela, "osoa edo partzialki"
Sidenor Euskal Herriko talde industrialak baieztatu du Talgo tren ekoizlea erosi nahi duela, dela zati bat, dela osorik.
Talgok berak Balore Merkatuaren Batzordeari (CNMV) jakinarazi dionez, Sidenorrek interesa adierazteko gutuna igorri dio gaur.
Tren fabrikatzailearen akzioek gora egiten jarraitu dute gaur. Atzo ekin zioten goranzko joerari, Jose Antonio Jainaga Talgoko presidentea enpresa erostea aztertzen ari den lehen informazioak publikatu eta gero. Hain zuzen ere, Talgoren tituluak % 4,9 hazi dira gaur, 3,64 eurora arte.
Duela bi hilabete, Magyar Vagon Hungariako taldeak 5 euro eskaini zituen akzio bakoitzeko, ekoizlearen % 100 erosteko.
Jaurlaritza, operazioa "errazteko" prest
Testuinguru horretan, Eusko Jaurlaritzaren Industria Sailak positibotzat jo du "ibilbide industrial oparoa" duen Euskal Herriko enpresaburu batek Talgo erosi nahi izatea.
"Eusko Jaurlaritza prest dago operazioa errazteko, betiere proiektu industrial sendoa badu eta enpresak Euskadin jarraitzea eta enplegua bermatzea badakar", gaineratu dute.
Sidenorrek Basaurin du egoitza, altzairu berezi luzeak ekoizten ditu, eta lantegiak ditu Euskadin, Kantabrian eta Katalunian. Gainera, ordezkaritza komertzialak ditu Alemanian, Frantzian, Italian eta Erresuma Batuan.
Talgok Ribabellosan (Araba) duen lantegian 700 langile inguruk lan egiten dute, behin-behineko langileak eta enpresa osagarriak kontuan hartu gabe. Espainiako Estatuan, 2.500 langile inguru ditu.
Eusko Jaurlaritzak eta Arabako Foru Aldundiak esana dute Talgorentzako bazkide industrialaren bila ari direla. Ildo horretan, Imanol Pradales lehendakariak duela gutxi adierazi zuen Talgori dagokiola bazkide industrial bat bilatzea, baina Eusko Jaurlaritzak bilaketa hori erraztu eta lagundu egingo ziola.
Zure interesekoa izan daiteke
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Tubos Reunidosen greba gaur gauean hasiko da Amurrion, erregulazio txostenaren zain
Astelehen honetan bilduko da zuzendaritza bi lantegietako ordezkaritza sindikalarekin, eta enplegu-erregulazioko txostenaren berri emango dio.
Makinistek greba abiatuko dute, tren zerbitzuaren krisiaren ostean
Sindikatu nagusiek (CCOO, UGT eta Semaf) otsailaren 9ko, 10eko eta 11ko greba deialdiari eustea erabaki dute, Oscar Puente Garraio ministroarekin akordiorik lortu ez dutela ikusita.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".