Ministroen Kontseiluan lanaldia murrizteko eztabaidari betoa jartzea egotzi dio Diazek Ekonomia Ministerioari
Yolanda Diaz presidenteorde eta Lan ministroak Ekonomia Ministerioari lanaldia astean 37,5 ordura murriztearen inguruko eztabaida blokeatzea leporatu dio. 11 hilabeteko negoziazioaren ostean sindikatuekin adostu zuen Diazek neurria.
"Atzo Ekonomia Ministerioak idatziz erantzun zion (Lan Ministerioari), eta eztabaida horri betoa jarri zion", azpimarratu du Diazek Telecincon egindako elkarrizketa batean, Carlos Cuerpo Ekonomia ministroari sindikatuekin adostutako lanaldia astean 37,5 ordura murriztearen aurka egitea leporatu ostean.
Diazen esanetan, Ekonomia Ministerioak eztabaida horri betoa jarri zion, Gobernuaren Ekonomia Gaietarako Batzorde Delegatuaren agendan sartu ez zuelako.
Herrialdearentzako neurri giltzarritzat jo du, eta aurrera aterako dela espero du, eta aipatu du Pedro Sanchez presidentearekin hitz egingo duela.
Diazek ukatu egin du atzerapena Parlamentuaren babes faltagatik izan dela, eta Junts eta tankerako alderdiekin ados jartzea lortzeko lanean ari dela azpimarratu du. Bestalde, Ekonomia Ministerioak defendatu du lanaldia murriztea lehentasuna dela, eta laster gauzatuko dela adierazi du.
Lanaldiaren murrizketaren gaia sakonean eztabaidatu behar dela defendatu du Cuerpo ministroak
Carlos Cuerpo Ekonomia ministroaren arabera, lanaldia astean 37,5 ordura murriztearen eztabaida "ez da tramite hutsa" eta "berme guztiak" izan behar ditu.
Hedabideen aurrean egin dituen adierazpenetan, Cuerpo ministroak erabat ukatu ditu Yolanda Diaz Lan ministroak egindako akusazioak. "Ekonomia Ministerioak ez du ezer blokeatu", gaineratu du.
"Ekonomia Ministerioak erabateko lehentasuna eman dio proiektu horri", azpimarratu du. Azaldu duenez, Lan Ministerioak atzo bertan egin zuen eskaria Gobernuaren Ekonomia Gaietarako Batzorde Delegatuaren agendan sartzeko. Gaia Ministroen Kontseiluan eztabaidatzeko lehen pausoa da hori.
Zure interesekoa izan daiteke
Espainiako Gobernuak Tubos Reunidosen bideragarritasuna bilatzeko "bide guztiak" aztertuko dituela ziurtatu du Cuerpok
Josu Estarrona EH Bilduko senatariak egindako galderari erantzunez, Carlos Cuerpo Gobernuko lehen presidenteorde eta Ekonomia ministroak ziurtatu du Gobernuak "datozen asteetan" aztertuko duela Tubos Reunidosen egoera. Izan ere, gaur egun hartzekodunen konkurtsoan dago, eta konpromisoa hartu du "bide legal guztiak" aztertzeko, "estrategikotzat" jotzen duen enpresa baten bideragarritasuna bilatzeko asmoz.
Nola eska dezaket emantzipaziorako dirulaguntza?
23 eta 29 urte bitarteko gazteek Emantzipa dirulaguntza eska dezakete gaurtik aurrera.
Epaitegiak Tubos Reunidosko hartzekodunen konkurtsoaren administratzailea izendatu du
Tubos Reunidos taldeko zazpi sozietate borondatezko hartzekodunen konkurtsoan deklaratu ditu Gasteizko epaitegi batek, eta PKF Attest Concursal SL Profesional izendatu du konkurtso-administratzaile.
Gorenak ebatzi du behin-behinekotasunaren abusua jasan duen langileek oposizioa gaindituta izan beharko dutela plaza finkoa lortzeko
Gorenaren argudioa da oposizioa gainditu ez duten langileak finko egiteak Konstituzioa eta Langile Publikoen Estatutua urratuko lituzkeela.
Tubos Reunidosen zuzendaritzak autobusak jarri ditu, lanera itzuli nahi duten langileentzat
Greba mugagabearekin ez jarraitzea eta lanera itzultzea erabaki duten langileen eskariari erantzunez, langileak autobusez joan ahal izango dira Amurrioko lantegira. Pasa den ostegunean, 232 langilek greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka.
Langile bat larri zauritu da tren batek harrapatuta, Manzanosen (Araba)
Tren-zirkulazioa eten egin da, baina pixkanaka bere onera itzuli da 16:00ak alderako.
Murgan zabaldutako lantegi berriarekin hirukoiztu egingo dute Etorki eta Lana enpresek zur zerratuaren ekoizpena, eta 100 lanpostu sortuko dituzte
Etorki eta Lana kooperatibek aurten erabaki dute bat egite, guztira 300 langile baino gehiago dituzte eta 150 milioi euroko fakturazioa dute. Lantegiak 12,8 milioi euroko laguntza izan du Eusko Jaurlaritzarentzat, inbertsioaren % 20.
Euskal ekonomiaren "termometroa" hazkunde apaleko eremura jaitsi da, esportazioengatik
Eusko Jaurlaritzak zabaldutako datuen arabera, EAEko ekonomiaren termometroa 99,7an kokatu zen apirilean (150etik). Datu hori 2025eko urritik izandako txarrena da.
Abiadura handiko trena Abandotik iritsiko da Bilbora, behin-behinean, epeak aurreratzeko
Abiadura handiko trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 bat metro karratu erabiliko dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.