Pradalesek lan harreman "eraikitzaileak" eskatu ditu, "suntsitzaileak" baztertuta
Imanol Pradales lehendakariak esan du EAEn "egonkortasun eremuak" sortu behar direla inbertsio berriak erakartzeko, eta horretarako ezinbestekotzat jo du lan harreman "eraikitzaileak" izatea, eta "suntsitzaileak" baztertzea.
Lehendakariak gogoeta horixe plazaratu du Gasteizko Michelinen lantegian egin duen bisitan, Mikel Jauregi Industria sailburua alboan zuela.
Bisitaren eta lantegiko zuzendariekin batzartu ostean, lehendakariak prentsaurrekoa eman du David Udakiola lantegiaren arduradunarekin batera, eta azken horrek ohartarazi du Michelinen lantegiek EAEn "etorkizuna izan dezaten, elkarrizketa sozial zintzoa eta eraikitzailea" behar dela.
Lehendakariak azpimarratu du EAE "herri industriala" dela, eta hala den heinean, ez dagoela automobilgintzari eragiten dion egoera korapilatsutik kanpo.
"Europako berrindustrializazioan protagonista" izateko deia egin du lehendakariak, mugikortasun eta automobilgintza arloei erreferentzia eginez. Izan ere, horietan EAE erreferente dela uste du Pradalesek, eta erkidegoak energia eta deskarbonizazio prozesuei aurre egin behar diela.
Michelin eta tankerako enpresen lehiakortasuna sustatzearen eta bermatzearen alde egin du, EAE "Europa hegoaldearen gidari" izan dadin. Gehitu du, era berean, gidaritza horrek partekatua izan behar duela, eta horretarako EAEko erakundeek enpresak lagundu behar dituztela.
Gainera, "eremu egonkorrak" sortzearen garrantzia azpimarratu du, inbertsio berriak erakartzeko, eta daudenak handitzeko. Hala, "negoziazioan, elkarrizketan eta akordioan" oinarritutako lan harremanak goraipatu ditu: "Eraikitzaileak, suntsitzaileak baztertuta".
Lantegiaren arduradunak ere azpimarratu du "bake soziala dela eta izango dela erronkei aurre egiteko oinarrietako bat", eta Michelinen lantegiek EAEn "etorkizuna izan dezaten, elkarrizketa sozial zintzoa eta eraikitzailea" behar dela.
2023ko abenduan adostutako 150 kaleratzeen prozesuan murgilduta dago Gasteizko Michelin lantegia. Akordio hura babestu zuten CCOO, UGT eta CSIF sindikatuek, baina ELA, LAB, ESK eta CGT aurka agertu ziren.
Udakiolak absentismoa ere izan du hizpide, "enpresaren eta herrialdearen" lehiakortasuna zalantzan jartzen duela iritzita. "Gure irudia kaltetzen du, eta Michelin taldeak gure lantegiekiko duen konfiantza arriskuan jartzen du. Guztion elkarlana eskatzen du, eta konpromisoa kolektiboa izan behar da", azaldu du.
Bestalde, aipatu du "gehiegizko erregulazioak jarduera zaildu" egiten diela, eta "gehiegizko gaitasunaren ondorioz ekoizpen murrizketak eta langileen kaleratzeak" izaten direla.
Zure interesekoa izan daiteke
Basurkok etorkizuneko proiektu industrial baten alde egin du Tubos Reunidosentzat, enpleguan ahalik eta eragin txikiena izango duena
Bizkaiko Ekonomia Sustatzeko foru diputatuak alde guztien arteko elkarrizketaren garrantzia azpimarratu du, enpresak bizi duen egoera "konplexua" dela eta.
Tubos Reunidosek Amurrioko eta Trapagaraneko lantegietako 301 langile kaleratzea proposatu du
Enpresak bideragarritasun-plan bat aurkeztu dio enpresa-batzordeari, tartean Amurrioko altzairugintzaren jarduera etetea, langileen irteerak eta zorra berregituratzea barne, industria-proiektuaren jarraipena bermatzeko.
Makinisten grebaren jarraipena % 100ekoa izaten ari da, sindikatu profesionalaren arabera
Zenbait zerbitzu bertan behera utzi dira eta atzerapenak ere izan dira. Renfek dioenaren arabera, greba egiten ari diren langileen kopurua ez da % 12ra heldu.
Sindikatuek nabarmendu dute Tubos Reunidosen Amurrioko lantegiko grebaren lehen txandan jarraipen "erabatekoa" izan dela
Langileek elkarretaratzea egin dute berriro goizeko zazpietatik aurrera, Arabako lantegian, eta bertan jarraituko dute langileen ordezkarien eta enpresaren artean aurreikusitako bilerak amaitu arte. Enplegu-erregulazioko espedienteak zenbat langileri eragingo dien jakinaraziko dute orduan.
Tubos Reunidosek 71,3 milioi euroko galerekin itxi du 2025eko ekitaldia, behin betiko emaitzen zain
Negozio-zifrak % 13 egin zuen gora, baina batez besteko salmenta-prezio txikiaren ondorioz, konpainiaren zorra 263,2 milioi eurora igo da. Amurrion (Araba) eta Trapagaranen (Bizkaia) lantegiak dituen enpresak ohar baten bidez adierazi duenez, AEBko jardueraren beherakadak eragindako kaltea zenbatzea falta zaie.
Makinistek greba abiatu dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan, Bilboko eta Donostiako aldirietako bost lineetan, trenbide sektoreko sindikatuek otsailaren 9an, 10ean eta 11n deitutako hiru greba egunetarako.
Amurrioko Tubos Reunidoseko langileek 24 orduko lanuztea hasi dute, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die. UGT beldur da kaleratzeak 130 baino gehiago izango ote diren.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.