Guardianen zuzendaritzak berretsi du bihar hasiko duela labea itzaltzeko prozesua
Guardian Glass enpresaren zuzendaritzak berretsi du bihar, urtarrilak 29, hasiko duela labea itzaltzeko eta hozteko prozesua Laudioko plantan. Esan du "urgentziaz" egin beharreko urratsa dela, besteak beste, "langileen segurtasuna arriskuan" dagoela argudiatuta.
Behin labea itzalita, AEBko multinazionalak sei hilabeteko epean du aurreikusita enpresa ixtea, bertan lan egiten duten 171 beharginak kaleratuta. Azken horiek, atzo bertan mobilizazioak egingo zituztela iragarri zuten, tartean, greba mugagabe bat ostegunetik aurrera.
Ohar batean azaldu ditu Guardianek itxieraren arrazoiak, alde guztien "kezkak" ulertzen dituela azpimarratu ondotik. Esan duenez, labea egoera txarrean dago eta premiazkoa da hozte prozesua martxan jartzea. Zehazki, labearen "goiko hormaren zati bat erori" egin zela eta eskuinekoak "arrakala handiak" dituela jakinarazi dute. Hori horrela, gehitu du jarduerarekin aurrera egiteak beharginak arriskuan jarriko lituzkeela.
"Hozte prozesua kontrolatuta" eta "segurtasun eta prebentzio protokolo zorrotzekin" egingo dela ziurtatu dute. Ondoren, labea berreraikitzeko aukera egongo dela ere adierazi du zuzendaritzak, hori egitea aurreikusten ez badu ere.
Labea itzaltzeko eta hozteko prozesuari buruzko "dokumentazio guztia" Osalanen (Laneko Segurtasun eta Osasunerako Euskal Erakundea) eta Euskadiko Lan Ikuskaritzaren esku jarri du Guardianek. Atzo, kontrakoa salatu zuten enpresa batzordearen ordezkariek eta gaitzetsi zuten Osalanek ez zuela planaren berri.
Bestalde, multinazionalak ohartarazi du labea berehala gelditzea oztopatuko lukeen edozein ekinbidek —ELA sindikatuak, atzo, auzitara joko zuela iragarri zuen— "langileen segurtasuna arriskuan" jarriko duela eta "onartu ezin diren kalteak" eragingo dituela Laudioko plantan.
Gaurko, bilera dago aurreikusita Guardianen zuzendaritzaren eta Eusko Jaurlaritzaren ordezkarien artean.
Zure interesekoa izan daiteke
Berdelaren kuota % 70 murrizteko proposamenak sumina eragin du EBko Arrantza Kontseiluan
Eusko Jaurlaritzak kezkaz hartu du Bruselaren proposamena eta ohartarazi du "arriskuan" jarriko lukeela baxurako arrantzaren "errentagarritasuna".
Etxebizitza arloko premiazko neurrien legea onartu dute EAJk eta PSE-EEk, azkarrago eta gehiago eraikitzeko
Gobernuko bazkideek bultzatutako lege proiektuak eremu tentsionatuetan etxebizitza turistiko gehiago onartzea debekatu du, eta bizitegi berrietan etxebizitza babestuen kopurua %75etik %60ra apaltzea ahalbidetuko du.
Plus Ultra airelinearen jabea eta zuzendari exekutiboa atxilotu dituzte
Polizia Nazionalaren Delinkuentzia Ekonomiko eta Fiskaleko Unitateak Plus Ultrako presidente Julio Martinez eta airelineako CEO Roberto Roselli atxilotu ditu gaur, ustez dirua zuritzeagatik. Operazioan konpainiaren egoitza ere miatu du poliziak.
Sustapenak ugaritzea eta tramiteak azkartzea bilatzen duen etxebizitza legearen gakoak
Eusko Legebiltzarrak etxebizitzaren arloa arautzeko hainbat premiazko neurri jasotzen dituen legea onartu du ostegun honetan, promozio berriak sustatzeko lurzoruak mobilizatzeko, prozedurak arintzeko eta pisu turistikoei mugak jartzeko helburuarekin.
Goizeko txandako medikuen % 19,4k egin dute bat hirugarren greba egunarekin, Osakidetzaren arabera
Jarraipena, beraz, asteazkenean txanda berean izandakoaren antzekoa da (% 19,02), eta asteartekoa baino zerbait handiagoa (% 17,26). Eguerdian, dozenaka osasun-langilek elkarretaratzea egin dute Gasteizko Txagorritxu Ospitalearen atarian, estatutu propioa aldarrikatzeko.
ArcelorMittalek indarrean dagoen ABEEa hiru urtez luzatzeko asmoa agertu du
Iturri sindikalen arabera, enpresak azaldu du neurria beharrezkoa dela ekoizpen beharren araberako malgutasun tresna hori izaten jarraitzeko. Jose Manuel Castro ArcelorMittalek Asturiasen duen CCOOko idazkari nagusiak ostegun honetan adierazi duenez, enpresak proposatutako neurria "koherentea da Europako siderurgiak bizi duen egoerarekin".
Balenciagako langileen batzordearen arabera, ontziolaren erosleak zazpi lagun kaleratzea eta soldatak % 25-50 jaistea proposatu du
Hasierako akordioa gorabehera, Abu Dhabi Portsek kaleratzeak eta soldata murrizketak eskatzen dituela salatu dute langileek.
Ikamak greba eguna deitu du gaur, euskarazko hezkuntzaren alde
Euskara jasaten ari den erasoen aurrean, Ikama gazte erakundeak hezkuntzaren garrantzia ekarri nahi du lehen lerrora gaurko deitutako grebarekin, "eredu propioa, euskalduna eta kalitatezkoa" aldarrikatuz.
Adostasunik ez Villavesetako sindikatuen artean, lan gatazkaren inguruan
UGTren atal sindikalak TCC Moventis enpresak eta Mankomunitateak egindako proposamena sinatuko du. ELAk, LABek, CCOOk eta ATTUk uste dute ez dela nahikoa, eta bi urte iraungita daramatzan hitzarmena hobetzeko borrokan jarraitzearen alde egin dute.
Ehunka medikuk estatutu propioa eskatu dute Donostian, "lanbideagatik eta pazienteengatik"
Gaurko mobilizazioan parte hartu duten medikuak ordu erdi baino gehiago egon dira Donostia Ospitalearen atarian, "Estatutu mediku eta fakultatibo baten alde" lelodun bi pankartarekin eta 24 orduko guardien aurkako hainbatekin.