37,5 ORDUKO LAN ASTEA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Euskadiko 350.000 langileri lanaldia 37,5 ordura murriztuko diete urtea amaitu baino lehen

Espainian 12 milioi langileri eragingo die lanaldiaren jaitsierak. 37,5 ordutik gorako lan astea duten enpresek 2025eko abenduaren 31ra arteko epea izango dute neurria aplikatzeko.
hosteleria-empleo-trabajo-san-sebastian paro langabezia lana ostalaritza donostia-efe
Ostalaritzako langile bat Donostian, artxiboko irudi batean. Argazkia: EFE
author image

AGENTZIAK | EITB Media

Azken eguneratzea

Soldata jaitsi gabe lanaldia astean 37,5 ordura murrizteko lege aurreproiektua onartu du astearte honetan Espainiako Ministroen Kontseiluak.

Pasa den abenduan, Yolada Diaz ministroa buru den Lan Ministerioak CCOO eta UGT sindikatuekin adostutako testua jasoko du lege-aurreproiektuak, asteko lanaldia 2025ean 37,5 ordura arte murrizteko. Patronala (CEOE eta Cepyme) akordiotik kanpo gelditu zen, lanaldi murrizketa negoziazio kolektiboaren bidez egin behar dela iritzita.

Lan Ministerioak egindako kalkuluen arabera, Espainian 12 milioi langileri eragingo die neurriak. Lan Harremanen Euskal Kontseiluak zabaldutako datuen arabera, berriz, Euskal Autonomia Erkidegoan sektore pribatuko 350.000 langilerengan izango du eragina. Nafarroan, 120.000 inguru izango dira.

Ministroen Kontseiluak onartu ondotik, Estatu Kontseiluaren eta Kontseilu Ekonomiko eta Sozialaren oniritzia jaso beharko du testuak Ministroen Kontseilura igorri aurretik. Lan Ministerioak aurreikusi du otsaila amaieran itzuliko dela lege testua Ministroen Kontseilura eta ondoren, martxoaren hasiera aldera hasiko dira tramitatzen Diputatuen Kongresuan.

Lanaldia 40 ordutik 37,5 ordura murrizteko lege proiektua uda aurretik Espainiako Aldizkari Ofizialean argitaratzea espero du Lan Ministerioak. Hala ere, sindikatuek eta Espainiako Gobernuak adostu bezala, enpresek 2025eko abenduaren 31ra arteko epea izango dute testuinguru berrira egokitzeko. 

Yolanda Diaz Espainiako Gobernuko presidenteorde denaren arabera, gaurkoa "egun historikoa" da elkarrizketa sozialaren "alaba" den araua onartu delako, nahiz eta enpresa munduaren babesik ez izan. "41 urte igaro dira lanaldia azkenekoz murriztu edo moldatu zenetik", gaineratu du.

Carlos Cuerpo Espainiako Ekonomia ministroa konbentzituta dago akordioa lortuko dutela talde politikoekin lege testua onartzeko.

10.000 euro arteko isunak eta deskonexiorako eskubidea

Lanaldiaren murrizketa betetzen ez duten enpresei langileko 10.000 euro arteko isuna jarriko die Espainiako Gobernuak.

Langileek deskonexio digitalerako duten eskubide "ukaezina" indartzen du lege testuak. Horren arabera, langileak ez du ondorio negatiborik ezta errepresaliarik pairatuko lan ordutegik kanpo enpresaren mezuei eta deiei ez erantzuteagatik.

Ekonomia Nafarroa Espainiako gobernua Euskal Autonomia Erkidegoa Lana Eguneko Titularrak

Albiste gehiago ekonomia

GRAFCAV8905. VITORIA (ESPAÑA), 18/06/2025.- La empresa adjudicataria del mantenimiento de los jardines de Vitoria se ha visto obligada a realizar servicios mínimos tras dos meses de huelga. En la imagen uno de sus trabajadores segando el césped del parque de la Florida de Vitoria. EFE/ADRIAN RUIZ HIERRO
18:00 - 20:00
ZUZENEAN
Duela  min.

Gasteizko lorezainak lanera itzuli dira, gutxieneko zerbitzuak betetzeko

Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.

Gehiago kargatu