Gutxieneko soldata jasotzen dutenek errenta aitorpena egin beharko dute aurrerantzean: Hala al da EAEn?
Lanbidearteko gutxieneko soldata hileko 1.184 (14 ordainketatan) edo urteko 16.567 euro gordinera igo da (% 4,4 gora), Espainiako Gobernuak atzo ministroen kontseiluan onartutakoaren arabera. Lan Ministerioak sindikatuekin adostutako igoera da (patronala akordiotik kanpo geratu zen), baina hazkunde historikoa zena desitxuratuta geratu da Ogasun Ministerioak ebatzitakoarekin: aurrerantzean gutxieneko soldata ez da errenta aitorpena aurkezteaz salbuetsita egongo. Orain arte, soldata txiki hori jasotzen zutenek ez zuten errenta aitorpena egin behar; aurrerantzean, bada, salbuespen batzuk kenduta, Pertsona Fisikoen Errentaren gaineko Zerga (PFEZ) ordaindu beharko dute. Erabakiak arrakala sortu du Espainiako koalizio Gobernuko kideen artean, eta Sumarrek salbuespenari eusteko lege proposamena aurkeztu du dagoeneko.
Euskal Autonomia Erkidegoak (EAE) zerga sistema propioa du, eta Espainian erabakitakoek ez diete zertan Araba, Bizkaia eta Gipuzkoako zergadunei eragin. Are, egun indarrean dagoen araudiaren arabera, gutxieneko soldata jasotzen dutenak, iaztik, derrigortuta daude PFEZa ordaintzera. Izan ere, egungo araudiaren arabera, urtean 14.000 euro gordin edo gutxiago jasotzen dituztenak bakarrik daude salbuetsita (20.000 euro, bi zergadunen kasuan). 2024an, lanbidearteko gutxieneko soldata 15.876 eurora igo zenez, zergadun horiek ere errenta aitorpena egitera behartu zituzten hiru ogasunek.
Egoera bestelakoa litzateke EAJk eta PSE-EEk babestu duten berrikuspen fiskala onartzen bada, izan ere, errenta aitorpena egiteko salbuespena 19.000 eurora igotzea proposatu dute bi alderdiek. Zerga erreforma onartzea, baina, gehiengoen jokoaren menpe dago. Bizkaian, jeltzaleek eta sozialistek badute onartzeko nahikoa boto, eta ez da arazorik espero. Gipuzkoan eta Araban, ordea, korapilotsuagoa da egoera, foru gobernuek oposizioko alderdi baten babesa behar baitute, gutxienez. Negoziatzera kondenatuta daude, beraz, bi lurraldeetan.
Urak arre, Espainiako Estatuan
Dena dela, EAEko testuingurua samurra da Espainiako Estatuarenarekin alderatuz gero. Sanchezen gobernuko koalizio kideak mokoka azaldu ziren atzo, eta oposizioan ere ahots kritikoak azaldu dira Ogasun Ministerioaren erabakiaren aurrean.
Ministroen kontseiluaren osteko prentsaurrekoa tentsio betekoa izan zen, eta Yolanda Diaz Espainiako Gobernuko bigarren presidenteorde eta Lan ministroak ez zuen bere haserrea ezkutatu. Salatu zuenez, komunikabideen bitartez izan zuen Ogasunaren erabakiaren berri. Sumarren buruzagia ere badenaren ustez, "zerga justizia goitik hasten da, ez azpitik".
Pilar Alegria exekutiboaren bozeramaileak aldaketa defendatu zuen, eta PFEZaren bidez bildutakoak "zerbitzu publikoak hobetzeko" balio duela aldarrikatu. Azaldu zuenez, gutxieneko soldata jasotzen duten askok ez dute errenta aitorpena egin beharko, egoera zaurgarrian badaude, batez ere.
Gerora, PPk, Podemosek baina baita Sumarrek ere gutxieneko soldata salbuetsita egoten jarraitzeko lege proposamenak aurkeztu zituzten.
Ingurumari horretan, EH Bilduk iragarri du salbuespena mantentzearen alde egingo duela. EAJk ere "egoera okerrenean dauden pertsonak" laguntzen saiatuko dela nabarmendu zuen, baina era berean, Ogasun Ministerioaren argudioak ulertzen dituela erantsi.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.