Konfiskatutako produktu faltsuen kopuruak gora egin du Euskadin eta Nafarroan
Euskal Autonomia Erkidegoan, 2019 eta 2023 urteen artean, datu ofizialen arabera, Bizkaian atzeman zituzten produktu faltsutu gehien: 28.291 artikulu. Bestalde, Araban 2.866 produktu faltsu konfiskatu zituzten, eta Gipuzkoan, berriz, 2.662.
Nafarroan, Foruzaingoak eta beste segurtasun indar batzuek faltsututako 26.186 objektu konfiskatu zituzten guztira. Hala, Foru Erkidegoa mota horretako delituetan jarduera garrantzitsua duten Espainiako iparraldeko eremutzat hartu da.
Espainian, Estatuko Segurtasun Indar eta Kidegoek faltsifikatutako 3.670.061 produktu konfiskatu zituzten 2023an. Kalkulatu dute produktu horiek merkatuan 148,9 milioi euroko balioa zutela, Barne Ministerioak Kriminalitateari buruzko Estatistika Atarian argitaratutako urteko datuen arabera.
Ehungintza da Estatu mailan faltsifikazio gehien biltzen dituen sektorea, guztira konfiskatutako produktuen % 62 dira. Horren atzetik daude jostailugintza (% 12,9), larrukigintza eta osagarrigintza (% 4,5) eta oinetakogintza (% 3,1).
Konfiskazio-lekuei dagokienez, faltsututako produktu gehienak nabeetan, fabriketan eta biltegietan atzeman ziren (% 67,8), % 18,4 merkataritza-establezimenduetan eta % 5,1 etxebizitza partikularretan.
Espainiako Barne Ministerioak eta Patenteen eta Marken Espainiako Bulegoak azpimarratu dutenez, delitu horiek ekonomiari kalte larria egiten diote, lanpostuak suntsitzen dituzte eta kontsumitzaileen segurtasuna arriskuan jartzen dute, ez dituztelako kalitate kontrolak eta fabrikazio araudiak betetzen.
Faltsutzearen aurkako azken operazioak
Guardia Zibilak 2.083 produktu faltsu konfiskatu zituen Mungiako azoka txiki batean. Artikuluek, ustezko luxuzko marken poltsak eta zorroak barne, 507.000 euroko balio estimatua zuten.
Bestalde, Euskadin presentzia txikiagoa duen arren, Polizia Nazionalak ere egin ditu faltsutzearen aurkako operazioak Euskadin. Adibidez, 2025eko otsailean, faltsututako produktuak online salduz 150.000 euro baino gehiagoko iruzurra egin zuen erakunde bat desegin zuten Bizkaian.
Gainera, Guardia Zibilak, Europol, Interpol eta Vietnamgo agintariekin elkarlanean, Errioxa Jatorri Deitura Kalifikatua zuten ardoak faltsutu eta merkaturatzen zituen erakunde kriminal bat desegin zuen. Espainiako turista batek Vietnamen jarritako salaketaren haritik tiraka abiatu zuten ikerketa, botila susmagarri bat atzeman zutelako. Zazpi pertsona ikertu zituzten Valentzian eta Araban, erakunde kriminaleko kide izatea eta iruzur jarraitua egitea egotzita.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.