Hiltegiko lan-gatazka bideratzeko asmoz esku-hartzea egitea erabaki du Tolosaldeko Mankomunitateak
Tolosaldeko Mankomunitateak batzen dituen 46 udalek hiltegiko lan-gatazka bideratzeko asmoz premiazko esku-hartzea egitea erabaki zuten, atzo arratsaldean egindako batzarrean. Joan den astelehenetik greba mugagabean dira hiltegiko 11 langileak, abendutik soldatarik jaso gabe daudela salatzeko.
Udalek atzo adostutakoaren arabera, hiru hilabeteko interbentzioa izango da. Denbora tarte horretan, soldata kobratu gabe dauden langileen lansariak eguneratu, hiltegiak hornitzaileekin dituen zorrak kitatu eta enpresaren azken hilabeteotako kudeaketa ekonomikoa aztertuko dituzte.
Bileran adostutakoaren berri emateko, udaletako ordezkaritza batek bilera egingo du langileekin. Jakinarazi dute, oraingoz, grebari eusteko asmoa dutela.
Gaur egun, Incarosa enpresak kudeatzen du Tolosako hiltegia, eta ustiatzeko baimena du beste 10 urterako.
Gipuzkoako Euskal Nekazarien Batasunak (ENBA) asteon azaldu duenez, enpresak zor handia pilatu du Tolosako Udalarekin eta Tolosaldeko Mankomunitatearekin, urte asko daramatzalako lokalagatik ordaindu beharreko kanona eta alokairua ordaindu gabe.
ELA sindikatuak, bestalde, adierazi du Tolosako hiltegia enpresa pribatu batek kudeatzen duen zerbitzu publikoa dela, eta, hori dela eta, Tolosaldeko Mankomunitateari eskatu dizkio horren gaineko "erantzukizunak". "Zerbitzua kudea dezala, eta ordaindu gabe dauden soldatak ordain ditzala", galdegin dio.
Hiltegi horrek Ormaiztegi eta Andoain arteko herriei ematen die zerbitzua, guztira 75 harakin eta 400 abeltzaini baino gehiagori.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.