Eusko Jaurlaritzak aliantza bat osatu du sektore pribatuarekin 4.000 milioi euro mobilizatzeko
Eusko Jaurlaritzak eta bederatzi finantza erakundek finantza aliantza publiko-pribatua osatu dute gaur legegintzaldi honetan 4.000 milioi euro mobilizatuta EAEren eraldaketa ekonomiko eta industrialean laguntzeko. Eusko Jaurlaritzak 2025eko aurrekontuak aldatuko ditu Finantzen Euskal Kontseiluak 1.000 milioi euro gehiago izan ditzan, eta 3.000 milioi euro gehiago mobilizatuko ditu kapital eta aurrezki pribatuen bitartez.
Imanol Pradales lehendakariak egin du iragarpena Bilboko Burtsaren egoitzan egindako ekitaldi batean, eta bertan izan dira aliantzan parte hartuko duten gainerako bederatzi finantza erakundeen ordezkariak ere: Euskal BGAE Federazioa, BBVA, Laboral Kutxa, Kutxabank, BBK Fundazioa, Kutxa Fundazioa, Vital, BasqueFik eta Elkargi.
Lehendakariak esan du Jaurlaritzak "eredugarri" izan behar duela, eta ondorioz, gaur bertan hasi dituela izapideak Finantzen Euskal Kontseiluak beste 1.000 milioi euro izan ditzan.
Horren harira, zehaztu du 2025eko aurrekontuak aldatzeko lege proiektu bat onartu eta bidaliko dutela Eusko Legebiltzarrera, epe luzeko zorra handituz 1.000 milioi euro horiek eskuratzeko.
Azaldu duenez, baliabide horiek eraldaketa ekonomikoarekin lotutako inbertsioetara bideratuko dituzte soilik, bereziki teknologia eta industria sektoreetara eta aipatu eraldaketak behar dituen zientzia eta energia azpiegituretara.
"Gure helburua da, Draghi Txostenaren hiru/bat araua aplikatuz, 1.000 milioi euroko inbertsio publikoari esker gutxienez 3.000 milioi euro gehiago mobilizatzea kapital eta aurrezki pribatuetan, legegintzaldi honetan bertan 4.000 milioi euroko finantza indarra lortzeko".
Pradalesek esan du diru horrekin hiru norabidetan egin ahalko dutela lan: Euskadin enpresak geratzeko operazioetan, enpresen hazkunde aukerak aprobetxatzen, eta kanpoko kapitala erakartzeko eta proiektu estrategikoak sustatzeko tresnak sortzen.
Azaldu duenez, lehenengo pausoa izango da hori, baina ez bakarra, Eusko Jaurlaritzak ekimen gehiago jarriko omen baititu abian. Pradalesek gaineratu du gizarte-aurreikuspeneko EAEko erakunde guztiek 30.800 milioi euroko ondarea zutela autonomia erkidegoko aurreztaileentzat urtarrilaren amaieran.
Zure interesekoa izan daiteke
Gipuzkoarrek bizkaitarrek baino merkeago dute Bilbo-Donostia autobus zerbitzua, baina Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte, soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langile batzuek, berriz, 27.000 euro.