Balenciaga ontziolaren zorra 15 milioitik 8,5era jaistea onartu du Cofidesek
Balenciaga ontziolaren etorkizuna atzo baino zerbait argiago egon daiteke. EITB Mediak jakin duenez, Zumaiako ontziolaren zorraren zati bat kitatzea onartu du Espainiako Ekonomia Ministerioaren mendeko den Cofides sozietate publiko-pribatuak, 15 milioitik 8,5era. Gainera, kitapen horrek konkurtso-administratzailearen oniritzia jaso du.
Ontziolaren zorra murriztuta, errazagoa izan daiteke ontziolaren jarduera berma dezaketen inbertitzaileak aurkitzea. Gaur-gaurkoz, bi inbertitzaile dirua jartzeko "oso interesatuta" daudela iragarri du aste honetan Maria Jesus Egido PSE-EEren Gipuzkoako batzarkideak.
Balenciaga hartzekodunen konkurtsoan dago azarotik, eta martxoaren 31ra arteko epea du inbertitzaile bat aurkitu eta lanpostuak suntsitzeko lan-erregulazioko espedientea saihesteko.
Kitapenari buruzko albistea iritsi da, hain zuzen ere, aste honetan Mikel Jauregi Eusko Jaurlaritzako Industria sailburua eta Carlos Cuerpo Espainiako Ekonomia ministroak Madrilen bilera egin ondotik.
Gaur egun, 71 langile ditu Zumaiako ontziolak, baina ontzi bat eraikitzen ari direnean ehunka lanpostu sortzen ditu (600 inguru).
Balenciaga ontziolako enpresa-batzordearen ustez, "berri ona" da Cofides enpresak zorraren zati bat kendu izana, baina gogorarazi du "hartzekodun asko" daudela eta oraindik ere urratsak eman behar direla sinadura egikaritzeko. Horregatik, zuhurtziaz jokatzeko deia egin, eta, batez ere, erakundeen babesa eskatu du.
Batzordeko ordezkariek ostiral honetan egin dituzte adierazpen horiek, ontziolak Zumaian dituen instalazioetan konkurtso-administrazioarekin egin duten bileraren ostean.
Daniel Sanchez UGTko ordezkariak azaldu duenez, ez dute oraindik datu zehatzen berririk, baina zor osoaren % 50 inguru izango litzatekeela jakinarazi diete.
Sanchezen hitzetan, "albiste ona" eta enpresaren jarraitutasunerako lehen urratsa da, baina "tentuz" hartu dute, "urrats asko" falta direlako. "Egitateak ikusi beharko dira. Oraingoz hitzak dira, ez dago ezer sinatuta", gaineratu du.
"Lehen urrats hau hartzekodun handienetako batekin egin da, Cofidesekin, baina hartzekodun asko daude oraindik, eta erakundeen laguntza beharko dugu berriz eraiki ahal izateko", azpimarratu du.
Zentzu horretan, David Tejerak (CCOO) esan du Cofidesen erabakia "bide onerako urratsa" dela, baina oraindik badirela lotu beharreko kontuak, eta "tentuz" jokatzeko eskatu du.
Negozioaren agintea hartzeko gaitasuna izan dezaketen inbertitzaileei laguntzeko konpromisoa eskatu die erakundeei, proiektu berriei heldu ahal izateko. "Denok norabide berean egiten badugu arraun, bide onera iritsiko gara", adierazi du.
Zorraren kitapena sinatu aurretik informazioa filtratu izana deitoratu du Zumaiako alkateak
Iñaki Ostolaza Zumaiako alkatea "pozik" eta aldi berean "kezkatuta" agertu da Balenciaga ontziolaren zorraren zati baten kitapena oraindik sinatu gabe dagoelako. Euskadi Irratian egin dioten elkarrizketan azaldu duenez, ez dute "gehiegi laguntzen" gisa horretako filtrazioek. "Nahiago nukeen behin sinatuta atera izan balitz albistea", gehitu du. Dena den, "oztopo ez izatea" espero du.
Zumaiako ontziola erlojuaren aurka ari da lanean likidazioa ekiditeko. Alkatearen iritziz, "koska handiena gainditu da" edo "gainditu daiteke", baina oraindik inbertitzaileei laguntzeko lan asko dagoela egiteko erantsi du. Ildo horretan erantsi duenez, Espainiako Ekonomia Ministerioaren, Eusko Jaurlaritzaren eta Gipuzkoako Foru Aldundiaren bultzada beharrezkoa izango da ontziola berriro zabaltzeko. Talgo jarri du adibide gisa.
Gipuzkoako Foru Aldundia: "Konponbide bideragarriak bilatzeko urrats garrantzitsua da"
Ane Insausti Gipuzkoako Aldundiko Ekonomia Sustapen eta Proiektu Estrategikoen diputatuaren ustez, Zumaiako Balenciaga ontziolaren zorraren kita partziala onartzea "konponbideak bilatzeko eta gure ekonomiaren egonkortasuna indartzeko prozesuan beste urrats bat" da.
Gaineratu duenez, Gipuzkoako Foru Aldundiak, "orain arte bezala", Balenciaga ontziolaren "bideragarritasuna bermatzen lagunduko duten bazkide sendoak aurkitzeko" prozesua babesten jarraituko du.
Zure interesekoa izan daiteke
Gipuzkoarrek bizkaitarrek baino merkeago dute Bilbo-Donostia autobus zerbitzua, baina Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte, soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langile batzuek, berriz, 27.000 euro.