Balkoiak etxebizitza guztientzat
Udaberrian sartu berri gara, eta eguraldia hobetzearekin batera, terraza eta balkoiez gozatzeko aukera handiagoa izango dugu hurrengo hilabeteetan. Hori, kanpoko espazioak dituzten etxebizitzetan; izan ere, asko dira balkoirik gabeko etxeak gure herri eta hirietan. Horientzat guztientzat konponbide jasangarri eta azkarra aurkitu du Tecnalia buru duen euskal enpresen partzuergo batek: BALIN izeneko balkoi modular eta industrializatuak, moduluz osatutakoak eta fabrikan eraikiak.
Covid-19aren karietara egindako itxialdiak argi utzi zuen etxean balkoi edo terraza bat edukitzea eta aire zabalera irteteko aukera izatea ezinbestekoa dela bizi-kalitate egokia izateko. Hala, 2022an etxebizitzen bizigarritasun-baldintzak eta diseinu-arauak zehazten dituen dekretua onartu zuen Eusko Jaurlaritzak.
Bertan, "kanpoko espazioa" kontzeptua jaso zuten etxebizitzaren gutxieneko programaren elementu gisa, eta gutxienez 4 metro karratuko azalera izan behar duela adierazi zen. Hori dela eta, eraikigarritasunari dagozkion erraztasunak ematen ditu, eta arautzen du, besteak beste, kanpoko espazio horien lehen hamar metro karratuak ez direla azalera erabilgarri gisa kontuan hartuko babes publikoko etxebizitzetan.
Araudi horretan inspiratuta sortu dute BALIN. Moduluz osatuta egoteak eta, obran izan beharrean, fabrikan eraikitzeak hainbat abantaila ekarriko ditu, Tecnaliako Smart Construction saileko buru Jesus Isoirden esanetan. Alde batetik, fabrikan —inguru kontrolatuan— eraikitzen denez, denboran eta kostuan aurreztea dakar.
Egitasmo honen beste helburuetako bat eraikuntza-sektorean jasangarritasuna bultzatzea izan da. BALIN moduluz osatutako balkoia da, eta, horrela, aktibo eta jasangarria izatea lortu dute, energia berriztagarrien moduluak edota kudeatzaileak ezartzeko aukera ematen duelako.
Euskal Herrian diseinatu eta eraikitako balkoi hauek 60ko eta 70eko hamarkadetan eraikitako hormigoizko egitura duten etxeetan jartzeko dira aproposak. Diseinuari dagokionez, nahiz eta egitura metalezkoa izan, ia edozein fatxadatara egokitu daiteke; izan ere, akaberetarako beira, egurra eta bestelako materialak erabili daitezke.
Tecnaliarekin batera, EAEko bost enpresak hartu dute parte egitasmoan. Zabalandi eraikuntza enpresak instalatuko ditu, Gorlan tailerretan egiten da egitura, Domusak energia berriztagarrien moduluak jartzen ditu eta Etxesoftek energia kudeatzeko softwarea garatu du. IDK enpresak ere parte hartu du, sistema elektronikoen alorrean.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.