Sindikatuek diote gaurko deituta zegoen bilera teknikoa bertan behera utzi duela Hezkuntzak, grebaren atarian

Hezkuntza Sailak azaldu du zentro bakoitzaren baliabideak negoziazioen gakoetako bat direla, eta batzar teknikoetan baino, mahai negoziatzailean eztabaidatu behar direla. Bi aldeek astelehenean egin zuten azken bilera, eta luzea izanagatik, akordio gabe bukatu zen.

huelga-educacion-manifestacion-san-sebastian-efe — Irakasleek Donostian ostegunean egindako manifestazioaren argazki bat. EFE

EITB Media

2025/03/31 - 10:53

Azken eguneratzea

2025/03/31 - 15:50

Joan den asteko hiru lanuzteen ondotik, Steilas, LAB, ELA eta CCOO sindikatuek beste bi greba egun dituzte deituta asteon —bihar eta etzi— EAEko unibertsitatez kanpoko hezkuntza publikoan, eta lanuzteon atarian, gaurko deituta zegoen bilera teknikoa —aspaldi zegoen aurreikusita, eta halakoetan ez dituzte berez lan hitzarmeneko auziak aztertzen— bertan behera geratu dela salatu dute Steilasek, LABek eta ELAk.

Hori horrela, biharko eta etzirako grebari eutsiko diotela jakinarazi dute sindikatuok, ez baitute aurreikusten "beste mahai negoziatzailerik egotea" epe laburrean.

Hezkuntza Sailak azaldu duenez, batzar teknikoetan ikastetxe bakoitzean izan beharreko baliabideak negoziatzen dira 2022tik, baina auzi hori negoziazioen muinetako bat bihurtu denez, mahai negoziatzailean aztertu beharrekoa dela uste du. "Zentroetan normaltasunez negoziatzen jarraitzeko borondatea" berretsi du Begoña Pedrosak zuzentzen duen Sailak, beste argibiderik eman gabe.

Sindikatuek eta Jaurlaritzak duela astebete izan zuten azken hartu-emana. Ordu luzez egon ziren bilduta, eta 01:00etan bukatu ziren negoziazioak, akordiorik gabe.

Ordutik ez dute beste bilerarik egin, Steilasek txio bidez jakinarazi duenez. Salatu duenez, Hezkuntza Sailak "aukera izan negoziazioarekin aurrera egiteko, baina ez du inongo borondaterik izan. Ostiralean adierazi genuen asteburuan horretan aritzeko gure prestasuna ere, baino entzungor egin diote gure eskaintzari".

Hezkuntzan gehiengoa duen sindikatu honentzat, "ez da onargarria" greba deialdiaren "azken orduetara mugatzea negoziatzeko epea", eta "benetako negoziazioa" galdegin du beste behin.

27.000 irakasle daude grebara deituta bihar eta etzi. Asteartean, manifestazio bana dago deituta Bilbon, Gasteizen eta Donostian (11:30ean, Kale Nagusiko 85.etik, Bilbo plazatik eta Boulevardetik). Asteazkenean Gasteizen egingo dute martxa handia, 11:30ean Europa Jauregitik abiatuta.

Aurrez, gaur arratsaldean (19:30etik hasita), "Lan hitzarmen duina orain!" lelopean kanpaldia egingo du irakasle talde batek Eusko Jaurlaritzak Gasteizen duen egoitzaren aurrean.

Albiste gehiago ekonomia

Kutxabank, Espainiako bankurik kaudimendunena Europako Banku Zentralaren arabera

Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.

Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"

Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.

GRAFCAV9209. BILBAO, 24/06/2025.-Un cartel en una sucursal del BBVA, en Bilbao este martes aludiendo a la fusión entre BBVA y Sabadell. La Comisión Europea recordó este martes que cualquier condición impuesta por un Gobierno para aprobar una transacción debería ser "excepcional, proporcionada y justificada por razones de interés público válidas", aunque rehusó pronunciarse en concreto sobre la decisión del Ejecutivo español respecto a la opa del BBVA por el Sabadell. EFE/Luis Tejido

BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker

Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.

Bruselak baieztatu du ardoak AEBn % 15eko muga-zerga izango duela ostiraletik aurrera

Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.

ArcelorMittalen mozkinak % 80 handitu dira mundu mailan, 2.268 milioi euroraino

Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.

Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu

Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.

Elkarretaratzea egingo dute ostegunean Gasteizko Mercedesen, bederatzi orduko lanaldien aurka

Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".

ELA, LAB, ESK, STEILAS, HIRU eta ETXALDE sindikatuetako ordezkariek 100.000 sinadura baino gehiago bildu dituzte

Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera

ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".

Zuiako bizilagunek mila alegazio aurkeztu dituzte Solariaren proiektuen aurka

Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".