"Soldata eta pentsio duinak" eskatu dituzte milaka pentsiodunek Hego Euskal Herriko hiriburuetan
Milaka pentsiodun eta behargin atera dira Hego Euskal Herriko hiriburuetako kaleetara larunbat honetan, "pentsio eta soldata duinak" exijitzeko.
Euskal Herriko Pentsiodunen Mugimenduak deituta, eta ELA, LAB, CCOO eta UGT sindikatuen babesarekin, eguerdian egin dute protesta Gasteizen, eta arratsalderako utzi dituzte mobilizazioak Iruñean, Donostian eta Bilbon.
Soldata eta pentsio duinak orain, hemen eta denontzat leloa irakur zitekeen pankartetan. Aldarrien artean, berriz, hauek nagusi: "Gutxieneko soldata justu baten alde" eta "Soldata eta pentsio duinak orain, hemen eta guztiontzat".
Ordezkari sindikalek hartu dute parte manifestazioetan, ELAko Azterketa Bulegoko eta Nazioarteko alorreko kide Aitor Murgiak, besteak beste. Bere egin du deialdiaren leloa, eta bertan nabarmendu duenez, "zaila da soldata duinik gabe pentsio duinak izatea".
LABeko koordinatzaile nagusi Garbiñe Aranburu ere izan da Bilboko protestan, eta Eusko Jaurlaritzari galdegin dio "bultza" dezala patronala eta defenda dezala gutxieneko soldata "ausardiaz eta erabakitasunez".
Donostian, bestalde, 17:30 pasatxo zirenean abiatu da martxa, Boulevardetik, eta ehunka lagun bildu dira bertan ere.
Protestaren hasieran, Euskal Herriko Pentsiodunen Mugimenduko kide Maria Serranok kazetariei egindako adierazpenetan gogorarazi du pentsiodunek zazpi urte daramatzatela kalean beren aldarriak zabaltzen.
Gasteizen, Eusko Legebiltzarrean tramitatu nahi duten Herri Ekimen Legegileaz hitz egin du mugimendu horretako bozeramaile Ana Tere Diazek. Hain zuzen ere, orain arte jaso dituzten 110.000 sinadurak eramango dituzte Legebiltzarrera, gutxieneko pentsioa eta gutxieneko soldata parekatzea eskatzeko.
Azaldu duenez, aldaketa horrek 100.000 pentsioduni eragingo lieke (horietatik 80.000 emakumeak dira, eta 8.000 dira 800 eurotik behera kobratzen dutenak). Bereziki, 80 urtetik gorako emakumeak nabarmendu ditu, horien zaurgarritasun egoera are makurragoa delako, baita indarkeria matxista jasaten dutenena ere, baliabide faltagatik ezin baitute etxetik alde egin.
Iruñeko protestarekin bat egin dute ELA eta LAB sindikatuen Nafarroako koordinatzaile Imanol Pascualek eta Imanol Karrerak, hurrenez hurren. Baluarteko plazatik atera dira manifestariak, eta erdigunea zeharkatu ondoren, Sarasate Pasealekuan bukatu dute ibilbidea. Han, komunikatu bat irakurri dute, gutxieneko pentsio eta soldata "justuak" aldarrikatzeko, "landun eta pentsiodun guztiek bizi-baldintza duinak izan ditzaten".
"Onartezina da finantza erakunde eta energia enpresa handiek etekin markak hausten dituzten bitartean, geroz eta langile eta pentsiodun gehiago egotea pobreziara kondenatuta, diru-sarrera duinak ez dituztelako", salatu dute komunikatuan.
Albiste gehiago ekonomia
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.
BPGa % 2,2 handitu da Euskadin 2025eko bigarren hiruhilekoan
Eustatek zabaldutako datuen arabera, urte arteko hazkundea % 1,4koa izan da, hau da, aurreko urteko bigarren hiruhilekoan baino 14 035 lanpostu gehiago sortu dira aurten.
Horrelakoa izango da 2027tik aurrera egingo den euskal aireportuen handitzea
Loiuk, Forondak, Hondarribiak eta Noainek hobekuntzak egingo dituzte instalazioetan, Aenaren 2027-2031 inbertsio-planaren barruan, 13 milioi euroko inbertsio globalarekin.
Amnistia Internazionalak Jerusalemgo tren arinaren proiektua bertan behera uzteko eskatu dio CAFi
Gobernuz Kanpoko Erakundeak salatu duenez, tranbia-lineak zabaltzeak legez kanpoko asentamendu israeldarrak sendotzen eta Jerusalem ekialdea anexionatzen laguntzen du.
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.