Hezkuntzako sindikatuak mesfidati, Sailak egin asmo dien proposamen berriaren aurrean
Mesfidati eta haserre. Hala agertu dira EAEko Hezkuntza publikoko sindikatuak Begoña Pedrosa sailburuak iragarritako bilera eta proposamen berriaren harira. Langileen ordezkariek ez dute oraindik esku artean Hezkuntza Sailaren testua. Sailburuak atzo prentsaurrekoan aurreratu zuenez, "ratioak jaistea", "irakasle kopurua handitzea" eta "arrazoizko soldata proposamena" jasoko ditu dokumentuak.
Irakasleen artean nagusi den Steilas sindikatuaren ustez, "larria" da Jaurlaritza "hedabideekin jolasten" ibiltzea bere proposamenak "saltzeko". Haizea Arbide sindikatuaren bozeramaileak azpimarratu du hitzez esandakoa idatziz jasota ikusi nahi dutela. Hala, uste du Pedrosaren adierazpenak "edukiz hustuak eta zehaztapen bakoak" direla.
Euskadi Irratiari egindako adierazpenetan, Arbidek salatu du bilera "berandu" heldu dela. "Hilabetean ez dugu Departamentuaren berri izan", argitu du.
Ildo beretik mintzatu da LAB ere. Ohar bidez, sindikatuak "larritzat" jo du balizko proposamen berri baterako edukiak ahoz eta medioen bidez zabaldu izana eta hiru ordu geroago sindikatuei idatzizko proposamenik helarazi gabe jarraitzea ere. Horren iritzian, jokaera horrek "garrantzia kendu" dio mahaiari eta langile eta sindikatuekiko "errespetu falta" da. Hori horrela, LABek aztertuko du bilera horretan parte hartuko duen.
"Argi dugu negoziaketarako proposamena medioen bitartez egitea, aurrez sindikatuei inolako idatzizko proposamenik helarazi gabe, marketinga dela", gaineratu du.
ELAk "kautela handiarekin eta espektatiba gutxirekin" jaso du Hezkuntza Sailaren deialdia. Ohar batean, salatu du Jaurlaritzak ez diela oraindik idatzizko proposamena helarazi eta nabarmendu du, aldarrikapenei erantzuten ez dien testua izatekotan, greba deialdiari eutsiko diola.
CCOOk ez du oraingoz adierazpen publikorik egin.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.