Bizkaiko Ogasunak iruzurretan atzemandako 10 eurotik 9 berreskuratu, eta 7.000 milioi azaleratu ditu 2019tik
Bizkaiko Ogasunak iruzurretan atzemandako 10 eurotik 9 berreskuratu ditu, eta 7.000 milioi azaleratu ditu 2019tik, iruzur fiskalaren kontrako plana abian jarri zutenetik.
Ogasun eta Finantza diputatu Itxaso Berrojalbizek Batzar Nagusietako batzordean azaldu duenez, 6.860 milioi euroko iruzurra atzeman dute 2019tik —plana martxan jarri zutenetik— gaur arte, eta horien % 92 berreskuratu dituzte. 2024an, 449 milioi eurokoa izan zen iruzurra, 2023an baino % 4,43 handiagoa.
Erantsi duenez, Ogasuneko langileek 574.000 kasu atzeman zituzten iaz, eta dagoeneko 312 milioi euro berreskuratu dituzte, alegia, % 70. Dena den, argi dute kopuru hori handitu egingo dela, oraindik ez baita bukatu horretarako epea.
Hidrokarburoen sektoreko BEZarekin lotuta daude hiru delitu, 90,4 milioi euro guztira, eta diru hori ez dute oraindik jaso, bide penaletik ari direlako tramitatzen, baina Berrojalbizek uste du "datozen hilabeteetan" berreskuratuko dutela diru hori.
Horren arabera, 186 milioi euro BEZarekin lotutakoak dira, 51,6 milioi euro pertsona fisikoen errentaren gaineko zergarekin, eta 50 milioi euro sozietateen gaineko zergarekin.
Zure interesekoa izan daiteke
Petrolioaren erosketa kostuak bikoiztu diren honetan, gasolindegietako jabeek zergak jaisteko eskatzen dute
Alaitz Goñi Getxogas gasolindegiko jabearekin izan da ETB, petrolioaren kostuaren gorakadak euren jardunean izan duen eragina aztertzeko. Bizkaian %25 jaitsi omen da bezeroen mugimendua prezioen igoeragatik eta zergak jaisteko eskatzen diote Espainiako Gobernuari.
Ekialde Hurbileko gerrak eragina izango du Bilboko Portuan, baina aukera ere bihur liteke
Arku Atlantikoko portu komertzial handiena da Bilboko Portua, trafikoari, azpiegiturei eta ematen dituen zerbitzuei dagokienez. Azken zabalkundea 2027ko lehen hiruhilekoan burutuko du, kai-mutur nagusiko lanak amaitzen direnean.
ELAren arabera, Trapagarango Tubos Reunidoseko delegatuek "jada ez dute sindikatua ordezkatzen"
Amurrioko eta Trapagarango lantegietan ordezkaritza duten sindikatuek erreakzio ezberdinak izan dituzte enplegu-erregulazoko espedientea atzera bota ondoren. ELA eta LAB langileekin harro agertu dira, eta borrokan jarraitzen dutela adierazi dute, "enplegua defendatuz". CCOO sindikatuaren hitzetan, "ziurgabetasuna" zabaldu da, eta UGTren esanetan, berriz, euren delegatuek "era kontsekuentean" jokatu dute.
Tubos Reunidosek esan du enplegu-erregulazioko espedientea ezarri behar duela, eta etorkizuna zalantzaz beteta dagoela
Enpresako zuzendaritzak aukera guztiak aztertuko ditu, eta datozen egunotan jakinaraziko die bere erabakia negoziazio batzordeari eta lan agintaritzari. Ez da baztertzen enpresak hartzekodunen konkurtsoa eskatzea.
Martxoaren 17ko greba orokorra "arrakastatsua" izatea aurreikusten dute sindikatu deitzaileek
ELA, LAB, Steilas, Hiru eta Etxalde sindikatuek adierazi dutenez, grebaren aldeko atxikimendua "oso zabala" izaten ari da eta dagoeneko 1.750 enpresatako lan batzordeek eta ehunka gizarte eragilek egin dute bat 24 orduko lanuztearekin.
Akordiorik gabe amaitu dute Tubos Reunidoseko lan-erregulazioko espedientearen negoziazioa
Kontsulten epea akordiorik gabe amaitu ostean, Tubos Reunidoseko zuzendaritzak esan du iragarritako 301 kaleratzeak gauzatuko dituela Amurrioko eta Trapagarango lantegietan.
Tubos Reunidoseko langileek elkarretaratzea egin dute Bilbon, enplegu-erregulazioaren gaineko azken bilera egiten ari zirenean
Tubos Reunidoseko langileek elkarretaratzea egin dute Bilboko Euskalduna Jauregiaren atarian, enpresa batzordeko ordezkariak eta zuzendaritza lan-erregulazioko espedientea negoziatzeko kontsulta-epearen azken bilera egiten ari ziren bitartean.
Jauregik galdetu du ea nor ausartzen den Tubos Reunidosen inbertitzera
Radio Euskadin gaur egindako elkarrizketan, Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak galdetu du ea nor ausartzen den Tubos Reunidosen inbertitzera, pilatutako zorraz gain, orain Ekialde Hurbileko gerraren ondorioek ere jo baitute. Sailburuaren hitzetan, horrek "shock bikoitza" eragin du euskal industrian; izan ere, Trumpen administrazioaren muga-zergen ostean, AEBk Iranen aurka hasitako gerrak eragina izan du energia, logistika eta merkatuen galeraren alorrean.
Arrautzak % 30 garestitu dira urtebetean, eta fruta, % 6 hilabetean
Elikagaien prezioak mantendu egin ziren otsailean, baina arrautzak eta fruta garestitu egin ziren. Erosketa-saskiak igoerak izan zituen hileko zein urteko datuak kontuan hartuta, eta tentsioa dago oinarrizko hainbat produktutan.
KPIa hamarren bat igo da Euskadin, eta % 2,4ra heldu da otsailean
Hiru hilabetez jarraian behera egin ondoren, urte arteko inflazioak behera egin du otsailean Euskadin, jatetxeen eta elikagaien garestitzeagatik. Elektrizitatea, berriz, merkatu egin da.