ELAk bere XVI. Kongresu konfederalari ekin dio, Mitxel Lakuntza berriz idazkari nagusi izateko hautagai dela
ELAk hitzordu bikoitza du Bilboko Euskalduna Jauregian aste honetan. Sindikatuaren XVI. Kongresu konfederala egingo dute astelehen eta asteartean, Mitxel Lakuntza berriz idazkari nagusi izateko hautagai dela, eta 'Langileria antolatu, gizartea eraldatu' leloari helduta.
Erronka garbi batekin ekingo dio ELAk Kongresuari, "Langileak antolatzea eragile aktibo eta eraldatzaile gisa, gizarte bidezkoago baten alde". 'Sindikatu gehiago, bizitza gehiago' izango da lau urtean behin egin ohi duten kongresu honetako bigarren leloa.
Eredu sindikal "autonomo eta lehiakor" bati eutsi nahi dio ELAk, "autogobernuaren gainbeheraren aurrean mobilizazio soziala lehenetsita". Lan harremanetan eztabaida, euskararen estatusa, nazio aitorpena eta erabakitzeko eskubidea sartzea ere defendatuko du.
Ponentzia eztabaidatu eta bozkatuko dute bertan, bai eta kudeaketa txostena ere. Izan ere, horiek izango dituzte datozen lau urteetako lan lerroak. Gainera, aukera hori baliatuko dute 1976an Eibarren egindako III. Kongresuan xehatutako oinarriak eguneratzeko.
Guztira, 736 ordezkarik eztabaidatuko dute Batzorde Exekutiboak aurkeztutako kudeaketa txostena, eta 2029ra arteko lan sindikala definituko dute. Ordezkarietatik 344 gizonezkoak izango dira, eta 392 emakumezkoak (% 53,2). ELAren esanetan, horrek agerian uzten du sindikatuak genero berdintasunaren alde duen konpromisoa.
Mitxel Lakuntza
Batzorde Exekutiboa ere aukeratuko dute, Mitxek Lakuntza berriz idazkari nagusi izateko bidean dela. 2019ko maiatzean hartu zuen horrek kargua.
Berritasunik ere izango du batzorde horrek, hiru pertsona berri sartuko baitira: Ane Bilbao Alzelai (Gasteiz, 1993), Luis Fernandez Centeno (Iruñea, 1973) eta Unai Oñederra Egaña (Donostia, 1973).
Kongresua
Kongresuak bi egun iraungo du, eta lehenengo egunean, gainera, goizean eta arratsaldean bilduko dira. 09:00etan hasiko dute lehenengo saioa, eta azken lau urteetako balorazioa egingo dute bertan, kudeaketa eta ekonomia txostenak aurkeztuta. Mitxel Lakuntzak berak hartuko du hitza, eta palestinar ordezkari batek ere hitz egingo du. Horretaz gain, oinarriak berritzeko bozketa egingo dute.
Bigarren egunean, Ponentzia eta proposatutako hiru ebazpenak izango dituzte eztabaidagai: estatus berriari buruzkoa, lehena; Europako militarizazioari eta gerrazalekeriaren ingurukoa, bigarrena, eta soldatekin lotutakoa, hirugarrena.
Amaieran, Batzorde Exekutibo berria hautatuko dute, eta bertara gonbidatu dituzten erakundeek parte-hartzea ere espero da.
Albiste gehiago ekonomia
'La Suizako 6ak' erabat aske uzteko eskatu dute, hirugarren gradua lortu ostean
CNT sindikatuak elkarretaratzeak egin ditu Bilbon eta Donostian, 'La Suizako 6ak' ezizenez ezagun egin diren sei sindikalisten alde. Izan ere, bost emakume eta gizon bati kartzela zigorrak ezarri dizkiete Gijongo 'La Suiza' gozotegiaren aurrean, langile baten kaleratzearen aurka, protestak eta mobilizazioak egiteagatik.
Asteburuko greba bertan behera utzi dute Gipuzkoako Avanzako langileek
Langileek greba egiteko eskubiderako "gutxieneko baldintzak" betetzen ez direla deitoratu du enpresa-batzordeak.
BBK Live jaialdiak 23,6 milioi euro baino gehiago utzi ditu Bilbon
115.000 parte-hartzaileen artean, % 17 atzerritarrak dira, batez ere Erresuma Batutik, Frantziatik, Italiatik eta Portugaldik etorritakoak. Gainera, hotelen okupazioa % 90etik gorakoa izan da musika jaialdiak iraun duen bitartean.
ELAk eta LABek ziurtatu dute Torresek proposatutako gutxieneko soldataren igoerak 10.000 langileri bakarrik eragingo liekeela
Uste dute proposamenak ez dituela kontuan hartzen enpresek azken urteetan lortutako irabaziak, ezta beren plantillek sortzen duten produktibitatea ere, eta, horrenbestez, helburua ez dela "gizarte-kohesioa, ezta aberastasunaren banaketa justua ere".
BSHko langileek datorren astean bozkatuko dute lan- erregulazioko espedienteari buruzko aurreakordioa
Enpresa batzordearen gehiengoak (LABek eta ELAk, ez) aurreakordioa lortu du aste honetan zuzendaritzarekin, eta, horren arabera, lantegia itxi eta 609 pertsona kaleratuko dituzte. Langileen ordezkariek deituta, batzarrak egingo dituzte ostiral honetan, eta bozketa, ziurrenik, astelehenean egingo dute.
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).