Gipuzkoako adinekoen egoitzetan deitutako grebak erabateko jarraipena izan du, ELAren arabera
Sektorean gehiengoa duen ELA sindikatuak egun osoko greba egitera deitu ditu langileak. LABek, ordea, lau orduko lanuztea deitu du. Lan hitzarmenaren negoziazioa "blokeatuta" dagoela salatu dute, besteak beste, sindikatuek.
Gipuzkoako adinekoen egoitzetako langileek manifestazioa egin dute Donostian, LABek deituta. Argazkia: EITB
Gipuzkoako adinekoen egoitzetan gaurko deituta dagoen grebak % 100eko jarraipena izan du, ezarritako "gehiegizko zerbitzu minimoak" izanda ere. Deialdia ELA sindikatuak egin du eta LABek, berriz, lau orduko lanuztea deitu du.
ELA eta LAB sindikatuek greba eta lanuzteak deitu dituzte gaurtik aurrera Gipuzkoako adinekoen egoitzetan, lan hitzarmenaren negoziazioa "blokeatuta" dagoela salatzeko eta sektorean diharduten 5.000 bat langileren —ia denak, emakumeak— lan baldintzak hobetzea eskatzeko.
Sektorean gehiengoa duen ELA sindikatuak sei greba egun deitu ditu gaur, bihar eta etzi, eta uztailaren 9, 10 eta 11n. LABek, bere aldetik, lanuzteak deitu ditu gaur (09:30-13:30) eta uztailaren 9 eta 10ean (07:30-08:30 eta 13:30-14:30) eta 11n (09:00-13:00).
Halaber, nork bere aldetik, mobilizazioak egin dituzte, 11:00etan, Donostian. ELA sindikatua Adegi patronalaren egoitzan elkartu da, sektoreko hiru patronalei —Adegi, Matia eta Lares— "benetako negoziazioa" eskatzeko eta "prekarietatearekin" amaitzeko. Era berean, gogorarazi du zerbitzu publikoa dela, Gipuzkoako Foru Aldundiak % 90ean finantzatzen duena, eta lan baldintza prekarioak nagusi direla.
LABek, berriz, manifestazioa egin du Donostiako udaletxe aurretik abiatuta eta ehunka lagunen parte hartzearekin. Garbiñe Aranburu LABeko koordinatzaile orokorrak salatu duenez, adineko egoitzetako langileek zerbitzu publikoa ematen dute, baina erakunde publikoek sektorea pribatizatu eta zaintza langileak prekarietatera "kondenatzen" dituzte. "Instituzioek beraien ardura publikoari muzin egiten diote eta patronala baliatzen da negozioa egiteko, baina arduradunak instituzioak dira eta instituzioek ez dute zaintza duinik bermatzen", gaineratu du.
Gipuzkoako adinekoen egoitzetako eta eguneko zentroetako hitzarmen sektorialaren negoziazioa urtarrilean abiatu zen. Sindikatuek salatzen dutenez, lau bileraren ondoren patronalak ez die aldarrikapenei "erantzun" ere egin eta ez die sektoreak dituen arazo nagusiei heldu nahi izan.
ELAk egindako aldarrikapenen artean daude langile guztiek % 100eko lanaldiak izatea —langileen % 40k gogoz kontrako kontratu partzialak dituzte—, soldata arrakalarekin amaitzea, 32 orduko lan astea eta adineko langileek irteera aurreratu ahal izateko formulak ezartzea.
Zaintza sistema erdigunean jarri eta zaintzaileen lan baldintzak hobetuko dituen hitzarmena eskatzen du ELAk. Horrez gain, arrisku psikosozialen plan adostuak egitea, zerbitzua euskalduntzeko baliabideak jartzea eta trantsizio ekosozialean aurrerapausoak ematea galdegiten dute, otorduetan bertako produktuak txertatuz.
LAB sindikatuak lan baldintzen ekiparazioa aldarrikatzen du, hau da, adinekoen egoitzetako langileek administrazio publikoko langileen lan baldintza berdinak izatea.
Gainera, ratioak jaitsi behar direla aldarrikatzen du LABek, eta, ildo horretan, hainbatetan interpelatu izan du Gipuzkoako Foru Aldundia, ratioak aldatu ditzan. Salatu duenez, ordea, Aldundiak eta patronalak entzungor egin diote.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.