ELAk sei greba egun deitu ditu Gipuzkoako adinekoen egoitzetan, negoziazioaren "blokeoa" salatzeko
ELA sindikatuak sei greba egun deitu ditu Gipuzkoako adinekoen egoitzetan, lan-hitzarmenaren negoziazioa "blokeatuta" dagoela salatzeko eta "prekaritatearekin amaitzea" eskatzeko.
ELAren ordezkariek gaur Donostian egin duten prentsaurrekoan azaldu dutenez, sektorean diharduten 5.000 langile ingururen —ia denak, emakumeak— "lan baldintza prekarioak" hobetzea eskatzen dute. Halaber, % 90ean Gipuzkoako Foru Aldundiak finantzatzen duen zerbitzu publikoa dela gogorarazi dute.
Ildo horretan, sindikatuak adierazi du langileen % 40k gogoz kontrako kontratu partzialak dituztela, azken urteetan arreta zuzeneko orduak "jaitsi" egin direla eta horrek lan-kargak "izugarri" igotzea eta langileen osasunak eta, oro har, zerbitzuak "okerrera" egitea eragin duela.
Adinekoen zaintza mozkinak lortzea helburu duten enpresa pribatuen eskuetan dagoelako gertatzen da hori, ELAren arabera.
Gipuzkoako adinekoen egoitzetako eta eguneko zentroetako hitzarmen sektorialaren negoziazioa urtarrilean abiatu zen. Sindikatuak azaldu duenez, lau bileraren ondoren patronalak ez die sindikatuaren aldarrikapenei "ia erantzun" ere egin eta ez die sektoreak dituen arazo nagusiei heldu nahi.
Zaintza sistema erdigunean jarri eta zaintzaileen lan baldintzak hobetuko dituen lan hitzarmena eskatzen du ELAk. Horrez gain, arrisku psikosozialen plan adostuak egitea, zerbitzua euskalduntzeko baliabideak jartzea eta trantsizio ekosozialean aurrerapausoak ematea galdegiten dute, otorduetan bertako produktuak txertatuz.
Hori dela eta, sei eguneko greba zikloarekin bat egiteko deia egin die ELAk langileei.
Zure interesekoa izan daiteke
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.