Ia 2.000 langabe gutxiago zenbatu ziren ekainean Hego Euskal Herrian
Joan den hilean 103.391 pertsona zeuden lanik gabe Euskal Autonomia Erkidegoan, eta 28.228, Nafarroan; hurrenez hurren, % 1,21 % eta % 2,52 egin du behera langabeziak bi erkidegootan.
Maiatzean baino 1.999 pertsona gutxiago zeuden lanik gabe Hego Euskal Herrian ekainean, Eusko Jaurlaritzak eta Espainiako Gobernuak gaur zabaldutako datuen arabera.
Zehazki, Euskal Autonomia Erkidegoan 103.391 langabe zeuden izena emanda Lanbideren bulegoetan, aurreko hilabetean baino 1.268 gutxiago (- % 1,21), eta Nafarroan, berriz, 28.228, 731 gutxiago (- % 2,52).
Lurraldeka, Bizkaian jaitsiera % 0,81ekoa izan da (473 gutxiago), Gipuzkoan % 1,93koa (535 gutxiago) eta Araban % 1,43koa (260 gutxiago). Beherakada orokorra izan da, adin-tarte eta sektore guztietan.
Urte arteko tasak ere behera egin du. Iaz hilabete berean baino 2.976 pertsona gutxiago (- % 2,8) daude lanik gabe Euskadin, eta Foru Erkidegoan, berriz, 784 ( - % 2,7) gutxiago.
Espainiako Estatuko datuei erreparatuta ere, jaitsi egin da langabezia: maiatzean baino % 1,99 langabe gutxiago zenbatu ziren joan den hilabetean. Iazkoarekin alderatuta, berriz, % 6,06 egin du behera tasak.
Bestalde, Gizarte Segurantzan afiliatutako langileen kopurua ia bere horretan mantendu zen EAEn, aurreko hilean baino 1.029.145 afiliazio gutxiago zenbatuta. Iazko datuarekin alderatuta, % 0,92 egin du gora kopuruak.
"Enpleguaren bilakaera ona"
Eusko Jaurlaritzaren arabera, datuok agerian uzten dute "enpleguaren bilakaera ona, bai langabezia murrizketa erregistratu delako, bai kontratazioen kopuruak aurrera egiten duelako etengabe".
"Bederatzigarren hilabetez jarraian behera egiteko joera egonkortu egin da, eta joera horiek islatzen dituzte joerak. Muga-zergen gorabeherak eta gatazka armatuak direla eta, nazioarteko ziurgabetasun ekonomikoak ekarritako ondoriorik ere ez da sumatzen", azaldu du Ekonomia, Lana eta Enplegua Sailak, ohar batean.
Ekonomiari buruzko albiste gehiago
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.