Euskal partzuergoak 75 milioi bildu ditu Talgo erosteko, eta espero du SEPIk ere beste horrenbeste jartzea
EAJren arabera, Espainiako Gobernuak konpromisoa hartu zuen erosketa babesteko eta enpresa indartzeko, SEPIren bidez 150 milioi euroko mailegua eginda. Ondoren, eragiketa bitan banatzea proposatu zuen, euskal partzuergoak eta SEPIk 75 millioi bana bideratzeko.
Sidenor buru duen euskal partzuergoak (Finkatuz Eusko Jaurlaritzaren funts publikoak eta BBK eta Vital kutxek ere parte hartzen dute horretan) 75 milioi euro mobilizatu ditu, Talgok bere zorra birfinantziatzera bideratzeko. Gainerako 75 milioiak Espainiako Gobernuak jartzea espero du euskal partzuergoak, Industria Partaidetzarako Espainiako Sozietatearen bitartez.
Eusko Jaurlaritzako Industria Saileko iturriek eman dute euskal partzuergoren pausoaren berri, eta azpimarratu dute egun gutxian lortu dutela dirua.
Testuinguru horretan, Eusko Jaurlaritzak espero du Talgoren erosketa bideratzea.
Pasa den asteartean, Jose Antonio Jainaga Sidenorren presidenteak zuzendutako sozietate batek Talgo konpainiaren % 29,8 erosteko operazioa "ez oztopatzeko" eskatu zion EAJk Espainiako Gobernuari. Izan ere, jeltzaleek ziurtatu zuten SEPIk operazio horretarako 150 milioi euro emateko hasierako konpromisoan "atzera egin" duela.
EAJren arabera, Espainiako Gobernuak, SEPIren bidez, konpromisoa hartu zuen erosketa babesteko eta enpresa indartzeko, 150 milioi euroko mailegua eginda.
Ondoren, beti ere jeltzaleen arabera, Estatuak operazioa bitan banatzea proposatu zuen, Espainiako Gobernuak eta Sidenorrek zuzendutako euskal partzuergoak 75 milioi bana ordaintzeko.
Ekonomiari buruzko albiste gehiago
Jaurlaritzak nabarmendu du turismoak % 5eko hazkunde "iraunkorra" izan duela EAEn
Daniel Solana Basquetour-Turismoaren Euskal Agentziako zuzendariak Radio Euskadin egindako elkarrizketan esan duenez, hazkundea "lasaia eta iraunkorra da, Estatuko edo Europako beste herrialde batzuetan duten masifikaziotik kanpo". 200.000 euskal herritarrek baino gehiagok EAEtik atera gabe pasa dituzte oporrak, eta Loiu-New York konexioak turista estatubatuar gehiago etortzea ekarri du.
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.