Gaztelagun programa: Eusko Jaurlaritzak igo du alokairurako dirulaguntzak eskatzeko diru-sarreren muga
Laguntza eskatzen duten gazteen kasuan, urteko diru-sarreren muga 30.000 eurora igo dute; familien kasuan, 36.764 eurora.
Eusko Jaurlaritzak malgutu egin ditu Gaztelagun programako alokairurako dirulaguntzak jasotzeko baldintzak. Esaterako, igo egin ditu dirulaguntzak eskatzeko gazteek gehienez eduki ditzaketen diru-sarrerak.
Laguntza bakarrik eskatzen dutenen kasuan, urteko diru sarreren muga 27.687 eurotik 30.000 eurora igo dute; familien kasuan, 33.902tik 36.764ra; eta familia ugariak direnean, 36.163 eurotik 39.184ra.
Denis Itxaso Eusko Jaurlaritzako Etxebizitza sailburuak gaur goizean iragarri ditu Gaztelagun programaren berritasunak, gazteei etxebizitza duina izateko sarbidea erraztea helburu dutenak, Bilbao BBK Live 2025 jaialdiaren testuinguruan.
Errenta-mugarena ez da berritasun bakarra. Diruz lagundu daitekeen hileko alokairuaren zenbatekoaren muga ere igo egin du Jaurlaritzak. Bilbon eta Gasteizen 800 eurotik 900 eurora igo dute, eta, Donostian, 800 eurotik 991,8 eurora, tokian tokiko batez besteko errenta kontuan hartuta.
Gainerako tokietan ere handitu egin dira mugak: 800 euroraino metropoli-eremuetan eta 10.000 biztanletik gorako udalerrietan, eta, 750 euroraino, Euskadiko gainerako udalerrietan.
Etxebizitza partekatzen duten gazteek (gehienez bi bizilagun) laguntza eskatu ahal izango dute, baina bakoitzak, gehienez, 300 euro jasoko ditu.
Halaber, berrikuntza bezala, partekatutako pisuetan logelak alokatzeko dirulaguntzak eskatu ahal izango dira.
Dekretu berria datorren urtearen hasieran sartuko da indarrean.
Ekonomiari buruzko albiste gehiago
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.
Bigarren Hezkuntzan eta Lanbide Heziketan eskainitako irakasle-plazen % 17 hutsik geratu dira Nafarroan
Eskainitako 473 plazetatik 84 ez dira bete. Lehen Hezkuntzan, berriz, ia ez da lanposturik geratu bete gabe.