Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Europako Batzordeak zigor espedientea zabaldu dio Espainiako Gobernuari, BBVAk Sabadellen akzioak eskuratzeko operazioari jarritako baldintzetan, Espainiako Gobernua urrunegi joan dela eta nagusikeriaz jokatu duela iritzita. Bruselaren ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak.
Ursula Von der Leyen buru duen erakundeak uste du Lehiaren Batzorde Nazionalak (MLBN) bere oniritzia eman ondotik, konpromiso batzuekin, Espainiako Gobernuan ez zuela zertan erabakia Ministroen Kontseiluari helarazi behar, nahiz eta Espainiako legeak hori jasotzen duen.
Bruselak uste du bankuen antolakuntza, gainbegiratze eta kaudimenari buruzko Espainiako legeak, 2014koak, eta hura garatzen duen Errege Dekretuak, 2015ekoak, Carlos Cuerpo buru duen Ekonomia Ministerioari botere handiegia ematen diola, eta ez diola mugarik ezartzen erabakiak hartzerako orduan.
Gogoratu behar da Ministroen Kontseiluak ekainean onartu zuela BBVA eta Sabadell fusionatzea, baina baldintza batzurekin: hiru urteetan bi erakundeek identitate juridikoa eta ondarea bereizita mantentzen badituzte, eta nork bere kabuz kudeatzen badu jarduera.
Carlos Cuerpo Ekonomia ministroak beste behin babestu du Espainiako Gobernuaren jarrera. Nolanahi ere bi hilabete dituzte Europar Batasuneko Exekutiboaren gutunari erantzuteko.
Ekonomiari buruzko albiste gehiago
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.