Donostia, Galdakao, Iruñea, Tutera eta Nafarroako beste 19 udalerri sartu dira etxebizitza eremu tentsionatuen zerrendan
Espainiako Aldizkari Ofizialak astearte honetan argitaratu du Hego Euskal Herriko 23 udalerri bizitegi-merkatu tentsionatuko eremu deklaratzen dituen ebazpena. Iruñea eta Tuteraz gain, Nafarroan gune tentsionatu izendatu dituzte Eguesibar, Burlata, Barañain, Zizur Nagusia, Lizarra, Aranguren, Berriozar, Tafalla, Antsoain, Atarrabia, Corella, Elortzibar, Cintruenigo, Baztan, Altsasu, Uharte, Berriobeiti, San Adrian eta Azkoien.
Etxebizitza turistikoen plaka, Donostian. Artxiboko argazkia: EFE
Espainiako Aldizkari Ofizialak astearte honetan argitaratu du Donostia, Galdakao, eta Nafarroako 21 udalerri bizitegi-merkatu tentsionatuko eremu deklaratzen dituen ebazpena.
Iruñea eta Tuteraz gain, Nafarroako beste 19 udalerri gune tentsionatu izendatu ditu Espainiako Gobernuak: Eguesibar, Burlata, Barañain, Zizur Nagusia, Lizarra, Aranguren, Berriozar, Tafalla, Antsoain, Atarrabia, Corella, Elortzibar, Cintruenigo, Baztan, Altsasu, Uharte, Berriobeiti, San Adrian eta Azkoien.
Eremu tentsionatu izendatzeak aukera ematen die udalerriei etxebizitza alorrean esku hartzeko, besteak beste, alokairuaren prezioa mugatzeko.
Halaber, alokairuaren prezioa erreferentziako indize baten arabera zehaztuko da.
Eremu tentsionatu izendapena hiru urtez izango da indarrean, ebazpena argitaratu eta hurrengo egunetik aurrera. Halaber, administrazio publikoek hiru urte izango dituzte alokairurako etxebizitzen eskaintza handitzeko eta merkatua lehengoratzeko.
Gainera, neurriak dakar alokairuaren prezioa jaisten duten alokatzaileek zerga-hobariak izatea. Kontratu berrien kasuan, prezio-igoerak mugatu egingo dira.
Bihar sartuko da indarrean Hego Euskal Herriko 23 udalerri eremu tentsionatu izendatzen dituen ebazpena, Espainiako Aldizkari Ofizialean argitaratu eta biharamunean.
Aipaturiko horiez gain, 5 dira Hego Euskal Herrian gune tentsionatu izendatutako udalerriak: Errenteria, Lasarte-Oria, Zumaia, Irun eta Barakaldo. Halaber, hurrengo hilabeteetan hainbat gehituko dira zerrendara.
Ekonomiari buruzko albiste gehiago
Begi onez ikusten du Jaurlaritzak SEPIren sarrera Talgon, "proiektua sendotu eta Euskadin egonkortuko" duelako
Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiren iritziz, albistea ona da. Modu horretara, birfinantziazioa lortuko du enpresak, eskaera-zorroari aurre egiteko eta EAEn dituen lanpostuak finkatzeko aukera izango da.
Talgo erosteko operazioan sartuko da SEPI, Ministroen Kontseiluak argi berdea eman ondoren
75 milioi euroko aportazioarekin sartuko da operazioan Estatuko Industria Partaidetzarako Sozietatea (SEPI). Sanchez eta Pradales Madrilen bildu eta bi astera askatu da Talgoren finantziazioaren korapiloa.
Lorategi Hirian 98 etxebizitza babestu eraikitzea adostu dute Donostiako Udalak eta Jaurlaritzak
Donostiako Udala dagoeneko urbanizazio lanak egiten ari da inguru horretan, eta etxebizitzak eraikitzeko lanak datorren urteko erdialdean hastea aurreikusten da.
Sindikatuak, euskal polizian sartzeko lan-eskaintza publikoaz: “Azterketa egiteko tartea murriztu eta proba psikoteknikoak aldatu egin zituzten"
Ertzaintzarako eta Udaltzaingorako lan-eskaintza publikoan izandako emaitza txarrak direla eta, sindikatuek eta Segurtasun Sailak beste azterketa bat deitzea adostu dute. Udazken partean egingo dute, osagarri gisa. ErNE sindikatuaren idazkari nagusi Sergio Gomez de Segurak eta Ertzaintzako Esan sindikatuaren bozeramaile Iñaki Uragak hautaketa-prozesuetan aldaketak egiteko eskatu diote Arkautiko akademiari.
Txikizkako merkataritzaren salmentak % 6,4 hazi dira EAEn ekainean, eta 4,6 Nafarroan
Oro har, banaketa sektore guztietan igo dira salmentak, merkataritza elektronikoan izan ezik: azken horretan, % 0,6 jaitsi dira, aurreko hilabetearekin alderatuta.
Azterketa egin duten poliziagaien % 90ek ez dute gainditu, eta beste azterketa-deialdi bat egingo dute, premiaz
380 pertsonak soilik lortu dute prozesuaren bigarren fasean sartzea, eskaintzen diren 650 plazak baino dezente gutxiago. Hala, 300 bat plaza bete gabe geratuko lirateke. Ertzaintzak eta EAEko 25 udalerrik batera egin dute lan-eskaintza, eta pandemiaz geroztik egin den LEP handiena da.
Jaurlaritzak uste du muga-zergen akordioak "egonkortasuna" ekar dezakeela, enpresek inbertsioak egin ditzaten
Gasteizko Gobenuak nahiko lukeen akordioa ez bada ere, Mikel Torres Ekonomia sailburuak onartu du itunak nolabaiteko ziurtasuna dakarrela.
LAB sindikatuak lan-gatazkak direla eta 204 prozesu abiatu ditu 2024-2025 lan-urtean; 75, greben bidez
Sindikatuak aurkeztutako ekintza sindikalaren urteko txostenaren arabera, gatazken % 61ek negoziazio kolektiboa eta zerbitzu publikoen defentsa izan dute ardatz gisa. Lurraldeei erreparatuta, prozesu gehienak Bizkaian izan dira, baina langile kopuruari dagokionez, Araban izan esku-hartze gehienak.
Confebaskek ohartarazi du euskal enpresek "lehiatzeko zailtasun ugari" izango dituztela AEBn
Confebasken ekonomia arduradun Pablo Martinen ustez, Europar Batasunak eta Estatu Batuek lortu duten muga-zergen gaineko akordioa "albiste txarra" da, "euskal enpresek lehiatzeko zailtasunak" izango omen dituztelako. Alde positibo bakarra ikusten du: "Hilabete luzeko zalantzaldiaren ondoren, badakigu zer dugun". Hala ere, aurreratu du eragin nabarmena izango duela "euskal industrian garrantzitsuak diren sektoreetan, hala nola altzairugintzan, automobilgintzan, eta makina-erreminta, mahastizaintza eta ardogintzaren sektoreetan".