Azazetan auto istripuan hildako gidaria etxez etxeko laguntzaile lanetan ari zen
LAB sindikatuak jakinarazi du Azazeta (Araba) mendatean astelehenean izandako auto istripuan hildako pertsona Gasteizko etxez etxeko laguntza sektorean lan egiten zuela.
Sindikatuaren arabera, 56 urteko gizona Serveo enpresaren zerbitzura ari zen lanean, eta lan-istripuz hil zen. LABek doluminak eta elkartasuna helarazi dizkie hildakoaren senideei, lagunei eta lankideei.
Sindikatuak salatu du etxez etxeko laguntzako sektoreko langileen lan baldintzak "oso prekarioak" direla eta langileek joan-etorri ugari egin behar izaten dituztela oso denbora tarte laburrean; gainera, lan-zama gero eta handiagoa da.
"Enpresek irabaziak bermatzeko ezartzen dituzten ratioek, lan-erritmoek eta desplazamenduetarako denbora txikiek laneko arriskua areagotzen dute", kritikatu du sindikatuak.
Era berean, salatu du sektorea "guztiz pribatizatua" dagoela gaur egun, "salbuespen bakanak kenduta", eta, sindikatuaren ustez, "pribatizazioak prekarietatea eta halako gertakari tragikoak dakartza berekin".
"Are gehiago, erakunde publikoen erabakiak izan dira sektorea pribatizaziora bideratu dutenak, eta, beraz, foru aldundiak ardura zuzena du langileen lan baldintzen prekarizazioan", ziurtatu du.
Horrela, lan-baldintza duinak aldarrikatzearen alde, LABek etxez etxeko laguntza sektorea eta, oro har, pribatizatutako zaintza-lanak publifikatzeko eskaria egin die Euskal Herriko tokian tokiko administrazioei.
Sindikatuaren iritziz, "zaintza sistema publiko eta komunitario baterantz urratsak ematea eta langileen lan-baldintzetan arreta jartzea ezinbestekoa da horrelako ezbeharrak saihesteko". "Azken batean, ez dugu lanera heriotzarekin topo egitera joan nahi", gaineratu du.
Horregatik guztiagatik, LABek premiazko neurriak eskatu ditu laneko osasuna eta segurtasuna bermatzeko eta lan baldintza duinak lehenbailehen ezartzeko.
Zure interesekoa izan daiteke
Euskal gehiengo sindikalak martxoaren 17ko greba orokorra erregistratuko du bihar
ELAk, LABek, Steilasek, ESK-k, Etxaldek eta Hiruk lanbide arteko 1.500 euroko gutxieneko soldata proposatu dute 2026rako. EAEko eta Nafarroako parlamentuek ezarri beharko lukete.
Arrantzaleen kofradiek jarduna etengo dute astelehen honetan, EBren araudi berriaren aurka protesta egiteko
Kofradiek ez dituzte kontrol neurri berriak begi onez ikusi, besteak beste, betebehar polemikoak inposatzen dizkietelako, hala nola porturatzeko abisua lau ordu lehenago eman behar izatea eta harrapaketen erregistroa "zero kilotik aurrera" egin behar izatea. Eskakizun horiek, sektorearen arabera, ez datoz bat baxurako arrantzaren eguneroko errealitatearekin.
Ordena berriaren urtea: euskal ekonomia, Trumpen muga-zergek baldintzatuta
Bilboko Portuan, AEBrekiko merkataritza-jarduera bikoiztu egin da, gas inportazioei esker. Hala ere, EAEtik AEBra egindako esportazioak % 11 murriztu dira, eta inportazioak % 4,5. Adituek premiazkotzat jo dute Europako araudia egokitzea.
EBk eta Mercosurrek merkataritza akordio historikoa sinatu dute, Lula faltan zela
Bi eskualdeek ia 26 urteko negoziazio aldia amaitu dute, akordioa adostu eta harremanetarako esparru berri bat ezarrita. Europako nekazariak eta EBko dozena erdi bat estatu akordioaren kontra daudenez, ituna berresteko prozesua gogorra izango da, aurreikuspenen arabera.
Getariako Txakolinak uzta berriaren 3,3 milioi botila merkaturatuko ditu
Jatorri Deituraren arabera, 2025eko uzta "kalitate onekoa" da, eta, kantitatez, 2024koaren "parekoa ia". 31 upategi daude deituraren baitan, eta guztira 479 hektarea dituzte landatuta, aurreko urtean baino 21 gehiago.
Enbalatze lerroa saltzea eta paperaren sektorean enplegu erregulazioko espediente bat ezartzea aztertzen ari da Papresa
Balizko erosleak, CL Grupo Industrial talde extremadurarrak, kartoizko plantan soilik du interesa, "paper salmentak izugarri jaitsi direlako". Enbalatzeek, ostera, online salmentei esker, errentagarritasun handia dutela argudiatu dute.
Nola eragingo dio EB-Mercosur merkataritza akordioak gure ekonomiari?
Haragi ekoizleen ustez, EB-Mercosur merkataritza akordioak lehia desleiala ekarriko du. Ardo eta olio ekoizleek, berriz, esportazioak handitzea espero dute. Batzuentzat aukera dena nekazaritza eta abeltzaintza sektorean mehatxua da; hori dela eta, ez dute baztertzen protestei eustea.
EBk eta Mercosurrek merkataritza akordio historikoa sinatuko dute gaur, baina akordioa berresteko prozesua gogorra izango da
Munduko merkataritza libreko eremu handienetako bat sortuko da, 700 milioi pertsonari eragingo diena.
Garai latzak bizi dituzte merkatu plazek
Herri askotako merkatu plazak erdi hutsik daude; postuetako askok pertsiana bota behar izan dute. Durangon eta Laudion, esate baterako, hainbat postu botatzen dituzte faltan. Erosketa saskia betetzeko ohiturak aldatu dira eta, gaur egun, zaila da hiriburuetan ez dauden merkatuak bezeroz lepo ikustea.
Elgoibarko Merkatu Plazak ateak itxi ditu
Amaia Mendikuteren fruta-dendak soilik eutsi dio zabalik azken egunera arte. Hunkituta eta eskertuta esan dio agur lantoki izan duen postuari. Orain, osasun-zentro berria eraikiko dute espazio horretan.