Europa Ligako finalak 52 milioi euroko eragin ekonomikoa izan du EAEko ekonomian
Pasa den maiatzean Bilbon jokatutako finalaren inpaktuari buruz Ikertalde taldeak egindako txostenaren arabera, ekitaldiak ia 30 milioi euroko ekarri ditu EAEra, eta Barne Produktu Gordinean eragin zuzena du.
2025eko Europa Ligako finala, Bilbon. Artxiboko argazkia: EFE
Aurtengo maiatzaren 21ean Bilbon jokatu zen Europa Ligako finalak 52,5 milioi euroko eragin ekonomikoa izan du Euskal Autonomia Erkidegoko (EAE) ekonomian. Edota, beste era batera esanda, zenbateko hori euskal erakundeek kirol ekitaldia sustatzeko jarritako diruaren halako hamahiru da.
Antolaketa gastua, guztira, 11,52 milioi eurokoa izan da, besteak beste, antolaketaz arduratu diren enpresak eta pertsonak kontratatzeko. Bilboko Udalak, Bizkaiko Foru Aldundiak eta Eusko Jaurlaritzak 2,21 milioi euro jarri zituzten, eta gainerakoa UEFAk, Espainiako Futbol Federazioak eta bi talde finalistek (Manchester United eta Tottenham).
Halaber, ekitaldiari lotutako kolektiboek Bilbon eta inguruan egin zuten egonaldiak 2,66 milioi euroko ekarpena eragin zuen.
Ekitaldiak erakarri zituen pertsonek (turista, bisitari eta bertakoak) eragindako inpaktu ekonomikoari dagokionez gastuaren zenbatekoa 23,83 milioi eurokoa izan da.
Eragindako inpaktu ekonomikoari dagokionez, ia 16,9 milioi eurokoa izan da.
Bilbon jokatutako finalaren inpaktuari buruz Ikertalde taldeak egindako txostenaren arabera, ekitaldiak ia 30 milioi euroko ekarpena egin dio EAEko Barne Produktu Gordinari, 112 euskal enpresa eta 844 langile kontratatuta.
Eragin ekonomikotik harago
Gorka Iturriaga Eusko Jaurlaritzako Jarduera Fisikoaren eta Kirolaren zuzendariak azpimarratu duenez, ekitaldiak sortu duen "inpaktua zifretatik harago doa". "Horrelako hitzorduek enplegua sustatzen dute, tokiko ekonomia dinamizatzen eta, batez ere, gure gizartean kirolaren balioak indartzen dituen ondarea uzten dute: lankidetza, ahalegin partekatua eta herrialde-harrotasuna", gaineratu du.
Ainara Basurko, Bizkaiko Foru Aldundiko Ekonomia Sustatzeko diputatuak, bere aldetik, tamaina horretako nazioarteko ekitaldiak "mundura lurralde ireki, moderno eta lehiakorraren irudia zabaltzeko" balio izan duela nabarmendu du.
Bestalde, Kontxi Claver, Bilboko Udaleko Garapen Ekonomiko, Merkataritza, Turismo eta Enplegu zinegotziak "ekitaldian parte hartu dutenen gaineko balorazio oso positiboa" azpimarratu nahi izan du, gehienek oso esperientzia egokitzat jo dutelako finala.
Zure interesekoa izan daiteke
Kezka kamioilarien artean, erregaien prezioaren igoera dela eta: "Urre likidoa daramagu; lapurretak hasiko dira"
Ekialde Hurbileko gerrak eragin zuzena du garraion, eta laster zabaldu daiteke eguneroko bizitzako beste eremu batzuetara. Kamioilariak oso kezkatuta daude prezioak astebetean izan duen igoera handiagatik.
Erregaien prezioak ia % 14 igo dira astebete gutxiagoan Hego Euskal Herrian
Garestitzea areagotu egin da martxoaren 1etik aurrera, AEBek eta Israelek Iranen kontra hasitako gerraren ondorioz.
Brent petrolioak 91 dolarretik gora egin du, % 26ko igoerarekin astebetean
Ekialde Hurbilean piztutako gerraren ondorioz, eskualdeko energia esportatzaile guztiek ekoizpena eten dezakete aste gutxi barru. Horrek, petrolioaren prezioa 150 dolarrera eramango luke upeleko, eta "munduko ekonomiak hondoratu" ditzake.
Arrakastatsua izan da aurtengo BIEMH azoka
Makina-erremintaren azoka bukatzear dago, eta, behin-behineko balantzea bada ere, 39.000 bisitarirekin, "erresilientziarako" aurtengo edizioa arrakastatsua izan dela nabarmendu dute antolatzaileek.
Lehendakariak dio bentzeno ihesa izan zenean Petronorrek erakundeekin izan zuen koordinazioa ez zela "egokia" izan
Imanol Pradales lehendakariaren hitzetan, Muskizen bentzeno ihesa egon zenean Petronorrek larrialdi-zerbitzuekin izan zuen komunikazioa eta koordinazioa "ez zen behar bezala egin". Sumar taldeko Jon Hernandezek egindako galderari erantzunez egin ditu lehendakariak adierazpen horiek.
Begiraleak ikasle guztientzat eta zaintza lanak, jantokien grebarako Jaurlaritzak ezarritako zerbitzu minimoen artean
Eusko Jaurlaritzak eskola-jantokietan "funtsezko zerbitzua mantentzea" bermatzen duen agindua eman du LAB eta ELA sindikatuek martxoaren 10, 11 eta 12rako deitutako grebaren aurrean. Neurri horren helburua da "adingabe bakar bat ere arretarik gabe ez geratzea bermatzea, aldi berean langileen greba-eskubidea zainduz".
Etxebizitzen prezioak % 12,3 egin du gora Euskadin 2025ean
Bigarren eskuko etxebizitzak % 12,7 garestitu dira, eta etxebizitza berriak, berriz, % 10,4, INEren datuen arabera.
UGTk salatu du EHUren Arabako Campuseko bulegoan pintadak agertu direla
Sindikatuaren esanetan, "sabotaje saiakera berri bat" izan da eta "jazarpen kanpaina bat" jasaten ari dira "jarrera propioa defendatzeagatik".
Osasun Ministerioak akordioa lortu du Medikuen Foroarekin, baina greba deialdiak bere horretan dirau
Ministerioak argitaratutako oharraren arabera, akordioak medikuen aldarrikapenei bide ematen die; lan-kontuetarako elkarrizketa zuzena izatea eta guardien ordainsaria hobetzea adostu dute. Medikuen sindikatuen konfederazioaren arabera, ordea, gatazka desblokeatzeko modu bakarra Greba Batzordeko kide guztiekin bilera formala deitzea da.
Sidenorrek Azkoitiko laminazio trena itxi eta 36 langile Kantabriara lekualdatuko ditu
Siderurgia taldeak Gipuzkoako eta Kantabriako laminazio trenen ekoizpena bateratzea erabaki du, eta, ondorioz, Azkoitian lan egiten duten 250 langileetatik 36 Reinosako lantegira lekualdatuko dituzte.