Sindikatuek manifestazioa egingo dute Bilbon hilaren 12an “gutxieneko soldataren alde”
Udan Legebiltzarrean aurkeztu zuten legegintzarako herri-ekimenaren aurka agertu zen Eusko Jaurlaritza. Sindikatuen ustez, eztabaida “gutxieneko demokratikoa” da eta, beraz, protesta egingo dute Jaurlaritzaren, EAJren eta PSE-EEren egoitzen aurrean.
Sindikatuek udan erregistratu zuten legegintzarako herri-ekimena Eusko Legebiltzarrean.
ELA, LAB, ESK, Steilas, HIRU eta Etxalde sindikatuek manifestazioa egingo dute azaroaren 12an Bilbon, lanbidearteko gutxieneko soldataren propoa izatearen aldeko legegintzarako herri-ekimena Eusko Legebiltzarrean eztabaidatzea eskatzeko.
Mobilizazioa 11:30ean hasiko da, Eusko Jaurlaritzaren ordezkaritzaren aurrean. Ondoren, PSE-EEren egoitzaren aurrera joango da eta EAJren Sabin Etxearen aurrean amaituko da. Aukeratutako leloa "EAJ-PSE-Confebask, pobreziaren errudunak; SMI vasco ya!" izango da.
EAJk eta PSE-EEk uko egin zioten sindikatuek gutxieneko soldata propioaren alde Eusko Legebiltzarrean aurkeztu zuten legegintzarako herri-ekimena tramitera onartzeari. 138.495 sinadurak babestu zuten ekimena, eta, sindikatuen ustez, Ganberan eztabaidatzea "gutxieneko demokratikoa" da.
Ohar batean, sindikatu horiek gogorarazi dute "EAJk berariaz gutxieneko soldataren herri-ekimenarem aurkako iritzia publiko egin zuen". Sindikatuek "erabateko eskuduntza aldarrikatzea" eskatzen dute, "Estatuaren inongo esku-hartzerik gabe", eta, adierazi dutenez, "sindikatuen ekimena ez dator anbizio horrekin bat".
Horrez gainera, aipatzen dute "Eusko Jaurlaritzak ekimenaren aurkako txostena publiko egin" zuela "sindikatuek erabateko eskuduntza" eskatzen dutelako, "Espainiako merkatuaren batasuna urratzeko arriskua" dagoelako eta "gutxieneko soldataren gaiak patronalarekin adostasuna" exijitzen duelako". EAJ eta PSE-EE "Eusko Legebiltzarrean iruzur demokratikoa gerta daitekeela aurreratzen ari direla" salatu dute.
Sindikatuen hitzetan, horrelako herri-ekimenak dira "herritarrek politika egiteko duten mekanismo demokratikoa", eta "eztabaida ukatzea iruzurra" litzatekeela uste dute. Halaber, "politikaren ikuspegi elitista eta autoritarioa erakutsiko" lukela iritzi diote.
Haien aburuz, EAJ eta PSE-EE garaiz daude "herritarren ahotsari bide emateko" eta osoko bilkuran gutxieneko soldataren "herri-ekimena eztabaidatzea onartzeko". Sindikatuak prest daude Eusko Legebiltzarrean alderdien ekarpenak eztabaidatzeko; "alderdiek negoziatzeko prestasun horri bizkarra ematea ulertezina litzateke", haien esanetan.
Zure interesekoa izan daiteke
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.