Sidenorreko presidentea eta bi zuzendari Auzitegi Nazionalean dira, Israeli altzairua saltzea egotzita inputatu gisa deklaratzeko
Sidenorrek Israeli Military Industries enpresari altzairua legez kanpo saldu ote zion ari da ikertzen epailea. Jose Antonio Jainaga presidenteari eta bi goi-karguduni kontrabando delitua eta gizateriaren aurkako krimenen konplize izatearen delituak leporatzen dizkie Francisco de Jorge instrukzio epaileak.
Jose Antonio Jainaga Sidenorreko presidentea, artxiboko irudi batean. Europa Press
Jose Antonio Jainaga Sidenorreko presidenteak eta altzairu enpresako beste bi zuzendarik Auzitegi Nazionalean inputatu gisa deklaratzen behar dute ordu honetan, armagintza sektorean aritzen den Israelgo IMI Systems (Israeli Military Industries) enpresari altzairua legez kanpo saltzea leporatuta.
Ikertuak ordua baino lehenago sartu dira Auzitegi Nazionalera, kameretatik eta kazetarietatik ihesi.
Kontrabando delitua eta genozidioaren ustezko konplize delitu batengatik deitu dituzte. Enpresako iturriek azaldu dutenez, Espainiako Gobernuak ezarritako enbargoaren aurretik egindako negozioak direla defendatuko dute hirurek epailearen aurrean, 2023 eta 2025eko uztaila bitartean egindakoak. Sidenorren arabera, aipaturiko enpresa israeldarrari saldutako altzairua, beti, lege prozedura guztiak jarraituz egin izan dute.
Sidenorreko arduradunei bi delitu leporau dizkiete: alde batetik, kontrabando delitua, Kontrabandoaren Errepresioari buruzko Lege Organikoaren arabera; bestetik, gizateriaren aurkako krimenetan konplize izatea egotzi diete, Zigor Kodearen 607 artikuluko 29. eta 607. puntuetan oinarrituta.
Ikerketa egiten ari den Auzitegi Nazionaleko epaile Francisco de Jorgek egindako ebazpen judizialean azaltzen du Sidenorrek bazekiela IMI enpresak armamentua fabrikatzen duela eta salmenta "Gobernuari jakinarazi gabe eta dagokion erregistroan inskribatu gabe" egin zela.
Bestalde, egotzitako gizateriaren aurkako delituen eta genozidioaren akusazioak Justizia Zigor Auzitegiak emandako behin-behineko kalifikazioan oinarritzen dira, bai eta "Francesca Albanese NBEko errelatore bereziak, UNRWAk eta Nazio Batuen Erakundeko beste pertsona eta agentzia batzuek egindako genozidio salaketetan" ere.
Comunitat Palestina de Catalunya elkartearen salaketa
Kereila jarri zuen Comunitat Palestina de Catalunya elkartea herri-akusazio gisa aurkeztu da. Azpimarratzen dutenez, Sidenorrek "1.207 tona altzairu bidali dizkio Israeli 2024ko abuztutik". Elkartea ziur dago hiru bidalketatan 989 tona bidali zirela Israelera; zehazki, kereilaren testuak zehazten du Sidenorrek 393 tona bidali zituela ekainaren 4an; 306 tona, maiatzaren 20an, eta 290 tona, 2024ko abuztuaren 7an.
Natalia Abu Sharar Comunitat Palestina de Catalunya elkartearen presidenteak adierazi duenez, "Espainiako Estatuan horrelako ikerketa bat egiten den lehen aldia da, baina ez da azkena izango". Halaber, Israeli armak salerosteari uzteko kanpaina kolektibotik "arma-blokeo integral eta atzeraeraginezko bat aplikatzeko lanean" jarraituko dutela gaineratu du, "Palestinaren kontrako genozidioarekin konplizitate ekintza bakar bat ere zigorrik gabe gera ez dadin".
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.