Merkantzia garraioko langileek 24 orduko greba egingo dute Nafarroan, hitzarmen berri bat eskatzeko
UGTk, CCOOk, ELAk eta LABek lanuztera dituzte kamioilariak gaur gaueko 22:00etatik asteleheneko 22:00etara. Horrela, sindikatuek presioa egingo dute 17 urtean berritu ez duten hitzarmenaren negoziazioetan aurrera egiteko.
Nafarroako merkataritza garraioaren sektoreko 5.000 langile inguru 24 orduko grebara daude deituta gaurdanik , 17 urtean berritu gabe duten hitzarmenaren negoziazioetan presioa egiteko.
UGT, CC. OO., ELA eta LAB sindikatuek deituta, gaurko 22:00etatik asteleheneko 22:00etara geldituko dute jarduna kamioilariek.
Aste honetan bertan, prentsaurrekoan, lau sindikatu horietako bozeramaileek hitzarmen berrirako baldintza "justu eta orekatuak" eskatu zituzten, negoziazioa "blokeatuta" dagoelako. Gainera, egoera horri "buelta eman" nahi ziotela iragarri zuten, Nafarroako industria geldiaraz dezakeen greba egun honekin.
Kritikatu zutenez, sektoreko langileen lan baldintzak "desarautu" nahi ditu patronalak bere azken eskaintzan, "lanaldiak luzatuz, beharginen eskubideak urratuz eta soldatak debaluatuz".
Asmo horien aurrean, sindikatuek adostu dute 2008ko hitzarmeneko kontzeptu ekonomiko eta soldata taula guztiak eguneratzea, eta % 32,1eko igoera eskatzea (2008tik Nafarroan KPIak izandako igoera). 2026tik aurrera, taulak urtero berrikustea proposatzen dute, aurreko urteko KPIa kontuan hartuta.
Bestalde, besteak beste, urteko lan karga mugatzea eskatzen dute, 215 lanalditan 1.720 ordu ez gainditzeko; astean elkarren segidako bi atseden egun izan ditzaten, eta lanaldi baten amaieratik hurrengoaren hasierara 12 orduko atsedena izan dezaten. Lan egutegi bat ere exijitzen dute, urteko plangintza zehazte aldera.
24 orduko greba ez ezik, astelehen honetan elkarretaratzeak egingo dituzte Iruñean eta Tuteran.
Zure interesekoa izan daiteke
Pentsiodunek ez dute trukerako txanpona izan nahi: "Ez dezatela pentsioekin jolastu"
Euskal Herriko Pentsiodunen Mugimenduak deituta, milaka pertsona bildu dira Bilbon eta Donostian egin diren manifestazioetan. Kolektiboak berriro eskatu du gutxieneko pentsioak lanbide arteko gutxieneko soldatarekin parekatzea, bereziki emakume pentsiodunak "duintasunez bizi daitezen eta hilaren amaierara irits daitezen".
Mercosurren eta EBren arteko akordioaren kontra egin dute ehunka lagunek Gasteizen
Lehen sektoreko kideek, traktore eta guzti, manifestazioa egin dute larunbat honetan Gasteizen, Europar Batasunaren eta Mercosurren arteko akordioaren aurka eta Euskal Herriaren elikadura-subiranotasunaren alde. Araba Bizirik, Ataca, Bionekazaritza eta UAGA elkarteek deitutako protestan, itun horrek elikagaien osasuna eta segurtasuna arriskuan jarriko dituela salatu dute, "Europan debekatuta dauden pestizida, transgeniko eta osasunerako kaltegarriak diren hormonak erabiltzen dituzten multinazionalei ateak are gehiago irekitzen dizkielako".
Solaria Zierbena proiektuak Araban "kalte konponezinak" eragin ditzakeela salatu dute
Kaltetutako udalerrietako ordezkariek, eragile sozialek, sindikatuek eta tokiko agintariek protesta egin dute larunbat honetan Gasteizen, Solaria enpresak bultzatutako Zierbena Solar "makroproiektu fotovoltaikoa irmoki gaitzesteko", Araba Bizirik plataformak jakinarazi duenez.
Eusko Jaurlaritzak zuhurtzia eskatu du AEBko Auzitegi Gorenak muga-zergen eta Trumpen tasa global berriaren inguruan hartutako erabakiaren ostean
Gogoratu du indarrean jarraitzen dutela altzairu eta aluminioari (% 50) eta autoei (% 15) eragiten dieten muga-zergek.
Mobilizazio jendetsua egin dute Amurrion Tubos Reunidos eta Maderas de Llodio enpresetako langileei babesa adierazteko
"Ez diegu utziko etorkizuna lapurtzen" lelopean, Amurrioko kaleak zeharkatu dituzte. Aiaraldea eskualdeak egoera kritikoa bizi du, Arabako langabezia-tasa handienarekin, eta mobilizazio horrek inguruko industria defendatzeko ere balio izan du.
Medikuek hiriburuetan egindako manifestazioekin eman dute amaitutzat estatutu propioa eskatzeko astebeteko greba
Parte-hartze handia egon dela ziurtatu dute, eta ezohikoa izan arren, zerbait lortzeko grebaren bidea azpimarratu besterik ez dutela egin. Aldaketarik ez badago, grebaren bigarren astea martxoaren 16an hasiko da.
Lehendakariak iragarri du Ayesaren egoitza Donostian egongo dela
Pradalesek adierazi duenez, Eusko Jaurlaritzak eta erosketan parte hartzen ari diren gainerako akziodunek erabakia hartu dute jada. "Ayesa Donostian sortu eta garatu zen, eta bertan jarraitu behar du", esan du.
Etxebizitzen salerosketak % 14,7 hazi ziren iaz EAEn, 2007ko burbuilako markak gaindituz
INE Espainiako Estatistika Institutuak gaur jakinarazi dituen datuen arabera, salerosketen kopuruak bigarren urtez jarraian egin du gora.
Jauregik dio industria bazkide bat aurkitu behar dela, eta horretarako ezinbestekoa dela zorraren arazoa konpontzea
Mikel Jauregi Eusko Jaurlaritzako Industria sailburuak bere elkartasuna adierazi die Tubos Reunidoseko langileei, baina enpresaren egoera oso larria dela nabarmendu du. Gakoa industria bazkide bat aurkitzea dela esan du, eta gaineratu du horretarako ezinbestekoa dela zorraren arazoa konpontzea.
Ayesaren egoitza Donostian egongo da
Imanol Pradales lehendakariak iragarri du Ayesaren egoitza Donostian egongo dela, akziodunek adostu dutenez.