Estatuko funtzionarioen soldatak % 11 igoko dira 2028ra arte
EAEko funtzionarioen soldatak ere igoko dira, baina erkidegoaren aurrekontuaren arabera. Soldata-igoeraz gain, itunak barne hartzen ditu plantillak indartzea eta barne-sustapeneko hobekuntzak. CCOOk oraindik ez du akordioa babestu.
Espainiako Gobernuak urte anitzeko plan bat adostu du UGT eta CSIF sindikatuekin, 2025 eta 2028 urteen artean funtzionarioen soldatak % 11 igotzeko. CCOOk, oraingoz, ez du itunarekin bat egin.
Akordioa Euskadin ere aplikatuko da; izan ere, Eusko Jaurlaritzaren arabera, Estatuko legediak baimentzen duen maximoa ordainduko du, baina horrek aurrekontuetan hasiera batean 2026rako aurreikusitako igoera zertxobait murriztuko du.
Nolakoa izango da igoera?
- 2025: % +2,5, urtarriletik aurrerako atzeraeraginez. Euskadin, 2026ko urtarrilean kobra liteke, egiteke dauden izapide legalak direla eta.
- 2026: + % 1,5 finkoa, gehi % 0,5 gehigarria KPIak kopuru hori gainditzen badu. Hori EAEko aurrekontuan hasieran aurreikusitako % 2,5 baino gutxiago da.
- 2027: % +4,5.
- 2028: % +2.
Igoera % 11koa bada ere, metatutako efektua % 11,5era hurbil litekeela kalkulatu dute sindikatuek.
Zer eragin izango du EAEn?
Eusko Jaurlaritzak adierazi du Estatuko markora egokituko dela: 130.000 langile publikoek jasoko dute igoera, nahiz eta izapideek 2025eko ordainketa atzeratzea ekar lezaketen. 2026rako, gehieneko kopurua Estatuak ezarritakoa izango da (% 1,5 edo % 2, KPIaren arabera), EAEko aurrekontuetan aurreikusitako % 2,5aren azpitik.
Soldatatik haratago: bestelako hobekuntzak
Itunak aldaketa garrantzitsuak aurreikusten ditu administrazio publikoan:
- Birjarpen-tasa kendu da, eta, horri esker, plantillak indartu ahal izango dira.
- Hautaketa-prozesu azkarragoak: EPEak urtebetean ebatzi beharko dira.
- Barne-sustapena eta mugikortasuna bultzatzea.
- Egoitza-osagarriak eta uhartetasuna eguneratzea 2026an.
- Jendearen arreta indartzea eta hobekuntzak kontziliazioan, lan-osasunean eta mutualitateetan (Muface, Mugeju eta Isfas).
Sindikatuen jarrerak
- CSIFen ustez, “lor daitekeen akordiorik onena” da blokeo politikoa eta aurrekontu murrizketak nagusi diren testuinguruan, eta erosteko ahalmenaren %2,9 berreskuratzea ahalbidetuko duela nabarmendu du.
- UGTk zuzenean “akordio handi” gisa kalifikatu du, langile publikoei ez ezik, “zerbitzuen kalitateari eta herritarrei” mesede egiten diena.
- CCOOk, aldiz, oraindik ez du babesten. Datozen orduetan emango dute azken erabakiaren berri.
Itunaren jarraipena
Jarraipen batzorde bat sortuko da akordioa betetzen dela zaintzeko. CSIFek abisatu du dagoeneko: ituna “ez da txeke zuri bat”.
Zure interesekoa izan daiteke
Gipuzkoarrek bizkaitarrek baino merkeago dute Bilbo-Donostia autobus zerbitzua, baina Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte, soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langile batzuek, berriz, 27.000 euro.